Ỵaqǃoˊxtustē cūˊgu łīngîˊttc haˊocīkǃān ỵāqǃoˊxtūstî. Adᴀˊx qoˊa ayaˊ Gîtsǃo-qoaˊnî yūˊduwasākᵘ ānᴀˊxaỵa yāqǃ xa hāt adjīˊusigut. Aˊya qotx hacūˊłīx̣īx̣ aˊya ʟēˊnᴀx ỵātiỵîˊ. Cāˊwᴀt aˊya cwutsīnēˊx. Aˊa heˊdu Qǃāntūˊłkǃî yūˊduwasākᵘ xao taỵîˊ ayuˊ ax dāq kokaˊodzîha xāˊdjî nᴀx. Doqǃawuˊłk dᴀˊkde wūˊāt. “Adūˊs gî qōn anᴀˊx dax̣ēˊtkǃᵘ?” X̣ūtsǃ anᴀˊx dāk ūˊwagut. Yē ỵawaqaˊ, “Datîˊn sukᵘcîˊ.” “Hā ᴀxōˊnê qa āx djitg̣askîˊ tîn kā yuqᴀˊłtǃadjîˊn.” Yucāˊwᴀt ye ỵawaqāˊ, “Aˊge aˊdawe.” G̣ᴀgāˊn tūtx ᴀˊdayu duīˊt qǃēˊwatᴀn. “Wāˊsᴀs xᴀt ỵatīˊ,” yuỵawaqāˊ. “Dā tîn sᴀˊkᵘcî.” ʟē ye ỵawaqāˊ, “Yūˊg̣ᴀgan tutx a ᴀxīˊc gutsǃtūˊnᴀx gūtsǃqǃāqdīỵēˊnᴀx gᴀˊgî ỵag̣ᴀsēˊn.” Tcāˊtcǃa āweˊ tsa āˊcuwaca. Ayᴀˊxawe duỵᴀˊtqǃî qoˊdziti. Kīdjînīˊnᴀx hᴀs wūˊti qa cāˊwᴀt ʟēˊnᴀx. Adᴀˊxawe hᴀˊsdu dākaˊqǃ kaˊoduʟ̣iỵaˊ nū ʟēn. Ag̣ēˊqǃ kē hᴀs uwawᴀˊt. Adᴀˊxawe ag̣ēˊdî hᴀs g̣āˊdustīn aweˊ hᴀsdudāˊt xā djiūˊdigut. ʟēˊnᴀx ye adūˊwasākᵘ Qǃᴀtxāˊn daqānēˊx wuˊsitē. Xāˊỵi yakqǃᵘ āˊyᴀx aˊołīqᴀˊnqǃ. Ye adūˊwasākᵘ Łqǃayāˊkǃ qa Kᴀckǃᴀˊʟkǃ yēyᴀˊn hᴀsducunqāˊwadja. “Ỵīqāˊnᴀx ya ᴀt g̣atīˊnî qǃwᴀn ᴀxiˊg̣a tunaˊidatān.” Adᴀˊxawe hᴀsdu qāˊnᴀx ỵaᴀˊtgᴀtēˊ ag̣āˊ hᴀs tuˊdîtān hᴀsduīˊc g̣ᴀgāˊn. Gᴀˊgi ỵaodziaˊ yuxāˊ kᴀqǃ. Wudūˊwatsǃᴀq ỵāˊwatǃa. Dîgînaˊ hīˊnî qoˊa wuʟ̣iūˊk. Yādāˊqa Łīngîˊt hīˊndî łūˊwagōqǃ. Qotx cūˊwax̣īx̣. Hīˊnxō qaˊat tsǃu ʟe ỵēỵēˊwutê. Āỵēˊ hᴀs wutîˊ yūnūˊ g̣ê.
Tlingit Myths and Texts · Tlingit storytellers of Sitka and Wrangell, recorded by John R. Swanton