Cīˊtǃkᴀ ayuˊ wūcdᴀcāˊỵî wuqoˊx G̣ayaˊ ỵîˊkdê. G̣ᴀˊxgu-ānqǃ ayuˊ hᴀs ūwaxeˊ. Guł ʟax ʟēqǃ dîs hᴀˊsdukā cūˊwᴀx̣īx̣. ʟēqǃ tsǃutāˊt ayuˊ ᴀtnatêˊ hᴀs djîˊusîha. Adᴀˊxayu G̣ayaˊ kādêˊ hᴀs āwaāˊx yucîˊ. Adᴀˊxayu hᴀs kudzīāˊx. ʟēł hᴀs u-ᴀˊxtc kǃēdēˊn. Ducᴀˊttc ye ỵaˊosîqa, “Ỵīỵaāˊxtc agêˊ” “Heˊde tuwaᴀˊxtcī-ᴀt,” ye ỵāˊwaqā xāāˊxtc.” “Akāˊdêyu hᴀs ỵaˊwaqā. Akᴀˊt hᴀs qox ayuˊ hᴀs aosītīˊn. Xᴀtc x̣îx̣tcǃîˊkǃ asīyuˊ ducᴀˊt-djî de ayuˊ aołīx̣āˊc. Ye ỵawaqāˊ, “Iˊaỵī sᴀkᵘ.” Cīˊtǃkᴀdê ān hᴀs wuqoˊx. Yēˊayu x̣îx̣tcǃkǃa cīỵīˊ wududzikuˊ. Kîksᴀˊditc aˊtcayu x̣îx̣tcǃ hᴀs aỵahēˊn.
Tlingit Myths and Texts · Tlingit storytellers of Sitka and Wrangell, recorded by John R. Swanton