Qowauˊwau āntqenîˊ ān qołayᴀˊtqǃ aayaˊ ᴀqǃ qōˊwaēn. Dukāˊk xᴀnqǃ yēˊỵatî, yuqā. Dᴀxnᴀˊx ỵatîˊ dukāˊk cᴀt. Yuqāˊ āˊawe yān dēnkūˊwane. Tcǃa lᴀkᵘ natēˊtc yuqāˊ ūdzîkaˊ. ʟᴀx qāqǃaxᴀˊnt acux̣īˊx̣awe naołig̣āˊsǃ dunᴀˊq yūˊudzikaỵa-qua. Dīỵīˊnᴀx aa dukāˊk caˊttcawe g̣āsǃ-kǃî iteˊdê ᴀt wug̣ēˊqǃ ᴀtqǃēˊcî doqǃēˊs. Tca adêˊ wuckᴀˊt wudiguˊt diyēˊdî. Ayuˊ yeˊ aciaˊosîqa “Eqǃēˊs g̣āsǃ-kǃî ītīˊdî ᴀtqǃēˊci xâg̣ēˊqǃ.” Yēˊkᵘg̣e aweˊ wuctūˊdî andatīˊtc. Āx ke ag̣atīˊn tcǃa Lᴀkᵘ natēˊtc. Cᴀnaˊodasǃîˊttc.
Wananīˊsawe duỵîxᴀˊndî yē ỵaˊodudzîqa, “Iīg̣āˊ xᴀt wūsuˊ.” ʟēkǃ gwâˊyᴀł wudaᴀˊt ᴀt ᴀłg̣ēˊn. Wananīˊsawe tātc uwadjᴀˊq. Dadukᴀˊnᴀx yᴀx ỵatîˊ yūłˊāx̣ᵘ. Wananīˊsawe yên aỵāˊwayᴀk. Yūˊye-ᴀct-āỵaqa-ᴀt yekułigāˊỵî-ᴀtaweˊ duyāxᴀˊnt wudjîx̣īˊx̣. Duūˊx yēkdiyāˊtǃ. Tcǃuʟeˊ ax āˊwacāt. Doᴀtsǃīˊʟǃ tūˊqǃawe aỵāˊwacᴀt. ʟe tātc uwadjᴀˊq. Ye adjūˊn, “Hīnqǃ qǃwᴀn yên xᴀt cᴀt,” yu-ᴀct-āˊỵaqa. Ỵaqēnaēˊnî aweˊ ayᴀˊx aˊosîne. Eg̣e ān ỵēq uwaguˊt. Dudjīˊn tāˊqǃawe ke āxêˊtctc. “Xāg̣aˊ iwasuˊ,” yēˊaỵênᴀsqāˊawe hīn nᴀx āwaxēˊtc. Wuduwasǃᴀˊqawe ᴀt āwaxêˊtciỵa. ʟe yêˊndiỵax x̣înᴀˊ-ᴀˊtî aweˊ canaˊodîsǃît. Tcǃuʟeˊ aqēˊnaēˊnî tî’nawe āˊwaᴀx yēł sa duīg̣ayaˊdê. Tcāʟ gwâˊỵa yāˊnᴀx yên aˊosîguq. ᴀtēˊsǃî kadeˊqǃ aỵax̣ᴀˊt yūˊ-ᴀcīg̣āˊ-wusūˊwu-ᴀt.
Tsǃayuˊkǃawe hît yᴀx djiˊwᴀne. Aʟēˊn aołiyᴀˊx. Tsǃutāˊdawe ēq an ỵēq uwaguˊt, ᴀdjiwanᴀˊq tsǃu. Āx ỵaqēˊga aˊawe tsǃu eq de wudūˊwaᴀx yēł sa. Āˊỵēq wudjix̣īˊx̣. Tcǃuʟeˊ kīdjîˊnawe wudcuˊta kaˊodiha yūˊtsa duīg̣aỵāˊqǃ. Kidjîˊna łēdᴀˊqǃ adēˊawe qǃayax̣ᴀˊt. Weˊaciye g̣ānasēˊtc-ᴀt daᴀtxakāˊ awadjᴀˊŁ. ʟēł dutīˊn de duhîˊtî aỵî yuqᴀłūˊxtcātc. Yu acnᴀˊq-wułîg̣āˊsǃî dukāˊk-hᴀs qo yaēˊn dēn wūˊnî.
Wananīˊsawe dukînāˊda kaˊodîkǃîtǃ djᴀˊnwu. Xōˊde adjīˊwanᴀq. ʟē łdakᴀˊt dāq kawasūˊs. Tcǃuʟeˊ ʟēł wudutīˊn de duhîˊtîỵî-ᴀt cāˊỵełahēn ʟēn.
Dutuwūˊtc łāˊxawe dukāˊktc adeˊ kokāˊwaqa duīg̣aˊ qᴀg̣āˊx dusqāˊndayu. Dugūˊxqǃo aˊde akāˊwaqa ᴀtxaweˊt doxᴀˊnt uwaqoˊx. Wēˊguxqǃ nēłdeˊ awaxōˊx. Dāq aˊosiᴀt. Qǃēx ᴀt tīx. ʟēqǃ ᴀcxᴀˊnî uwaxeˊ. Aˊsiwe ỵêˊtkǃwaỵa u yūˊgux. Yēˊsdo-daỵaqa, “Łîˊł ke aiˊcᴀˊtdjīk qǃwᴀn.” Aᴀˊsiwe ᴀt tūˊde āˊwug̣ēqǃ yūˊguxkǃutc. “Dekēˊwu tusigᴀˊn yu-qǃwᴀˊn-ckan-īłnīk-îtsǃāˊtītîn.” Yūˊyên ᴀcukāˊwadja.
Tāt ān hᴀs qōˊxawe ke kaˊodigᴀx duỵêˊtkǃᵒ. “Tayêˊkǃwe, tayêˊkǃwe,” yūk dag̣āˊx yūˊgux ỵêtkǃᵒ. Qōˊwaēn yūˊān yūˊ-ᴀt-naołigᴀˊsǃîỵa. ᴀˊxo ałᴀx̣ᵘtǃ. Āˊwe āˊwaqēt yūanqāˊwutc yu-adêˊq-dag̣ᴀˊxỵa yūˊgux ỵêˊtkǃᵒ. Tsǃᴀs akaˊ ke akᴀnatīˊn. Yūk dag̣āˊx yūˊgux ỵêˊtkǃᵒ: “Tāˊỵakǃwe, tāˊyakǃwe.” Yūk dag̣āˊx yūˊgux ỵêtkǃᵒ. “G̣aˊʟg̣eỵīˊawe ỵīˊaỵasākᵘ,” duʟāˊ ye ỵawaqaˊ. Xᴀtc kîtcyêˊdawe āˊdatīn yūˊguxtc duỵêˊtkǃᵒ qǃēs. Ān caˊodîqe. Dōˊqǃwᴀ daˊwᴀłîtêtʟǃ. Wananīˊsawe ān yên akāˊwanîk. Ye ān akāˊwanîk dusǃatīˊ tîn. “Āˊwu ho. Aʟ̣ēˊn ᴀt cāˊỵᴀłahēˊnawe dudjīˊ.”
Tcǃuʟeˊ nāqǃ kaˊodowᴀnaˊadê. Tcayᴀˊx gwâˊyu aʟēˊn ᴀt-caỵᴀˊłahēn g̣wâyūˊ dudjīˊ. ʟ̣ukᴀtctāˊdᴀna ʟēqǃ ᴀtīˊỵia dukāˊk cᴀt ᴀcakǃāˊne-a. Duˊyeda ᴀłg̣ēˊgu ayuˊ ᴀtūˊx ᴀt wux̣īˊx̣. Duwᴀckᴀˊ awakǃᴀˊkǃᵘ. Wēˊdoqǃes g̣āˊsǃ-kǃî ītīˊdî ᴀt wug̣ēˊqǃêa qoˊa kǃedēˊn ᴀt tōˊditᴀn. Tcǃuʟeˊ doxᴀˊnt naołîg̣ᴀˊsǃ yūˊāntqenî. Yudukāˊk qoˊa ye ᴀtūˊdîtᴀn, yūˊᴀtxā łqǃēˊa kūˊnᴀx duˊnugu qa dukāˊk cāt. Tcǃa aˊdê taỵēˊdî aweˊ kaołîtǃîˊk dukāˊk qa dukāˊk cᴀt. Yu-ᴀcīˊt-wudacīˊỵia dukāˊk cᴀt ʟe āˊwaca. Yūˊ-ān-duīg̣āˊ-qowasūˊ-ᴀt qoˊa aweˊ gūx g̣ā awahūˊn. Duīˊtx yᴀx ỵaˊodudzî-ū āntqeniˊ. Yên kudagāˊawe ᴀdakeˊtkǃe aosîneˊ yu-ᴀcīg̣āˊ-wusuwuˊ-ᴀt. ʟēł aduˊtsa ye ustîˊntc tcaqāˊwᴀq wᴀntǃēˊqǃayu.
Dekīˊx ỵāỵiêˊndaxun yāˊî. Āˊde ᴀtcīˊwanᴀq. Tsǃutāˊtayu eqêg̣ayāˊnᴀx yên akāˊwaha yuyāˊî Lᴀnqǃ. Tcǃu atāˊt qoỵaˊostāg̣e ayuˊ yuyāˊî akᴀˊtsiwᴀqǃᴀkᵘ. Yuhūˊtcǃî-āˊỵê daˊde qǃax̣ᴀˊtî. Akᴀˊtsiwaqǃᴀkᵘ dāq kᴀdudjēˊłayu yuyāˊî. Tcǃuʟeˊ akᴀˊ tsa wuqǃag̣ōˊdjayu qot cūˊwax̣ix̣ yūˊantqenî. ᴀtcayuˊ “Yeˊ-ᴀtg̣âku-nᴀq-naołîg̣āˊsǃî wūckāˊdjātê yᴀx qǃwᴀn īng̣âˊte.” Yūˊa-inî-ᴀt łdakᴀˊt qox wuˊdîᴀt. Hīˊndê a ᴀt kāˊwaᴀt qā dᴀˊqdî. Hūtcǃ łdakᴀˊt qotx cūˊwax̣īx̣ yūˊantqenî.