Łtᴀxdᴀˊx wūnaˊ. Aduˊdji ye ỵᴀtîˊ yutînnaˊ qǃᴀłitsīˊn, qa yusǃîˊqǃ tsǃu duˊdji ye ỵᴀtîˊ Tsǃᴀnᴀtǃūˊkǃ. Nᴀnāˊawe duᴀˊdi dāq ye uduˊdzînî. Yuqǃᴀłîtsīˊnîỵa yusǃîˊqǃ yuˊᴀ-adjideˊ ᴀnudjîxêˊn ʟēqǃ ᴀnēˊł qoaˊnî ayuˊ aayuˊ adāˊx wuckaˊoduwax̣îʟǃ. Ādūˊsᴀ duʟ̣āˊkǃ qodziteˊ ᴀg̣ātsāˊîtc. “Gudeˊ nᴀx tuāˊde tcᴀgūdeˊsᴀ.” Yuʟēˊqǃ hît ye qo-uˊ ayaˊ akēˊkdᴀx ayuˊ āˊwaāt hēˊnᴀx ādeˊ yên wucxenīˊtc yusǃîˊqǃ. Qā tuwunūˊgᵘ tcayuˊ ye at wunîˊ. Guł daqǃūˊndjînkadīˊnᴀx ayuˊ qōˊwate, ye qǃaỵadoqaˊ, “Tcǃa yūˊca kāˊỵaᴀqg̣aāˊdê.” Adūˊsᴀ dukīˊk-hᴀs tcǃu nᴀˊsǃgenᴀx tīˊỵî ʟe duˊndayaỵî nᴀstīˊtc. ᴀtxaweˊ dāq nᴀx ānᴀˊx aqǃeỵīˊt āˊwaᴀt yūˊca ʟēn. Qā naᴀˊdî kǃîdēˊn yên wuduˊdzînî axōˊa dā kǃudᴀˊsǃ axōˊa kǃūx-kǃudᴀˊsǃ. ᴀtūˊt qong̣ᴀˊnādayu sǃāx̣ᵘ tsǃu. Adᴀˊx sîteˊ wedaˊ ʟēł caỵaˊodaha aỵeˊ wutīˊỵia. Yūˊdᴀq kᴀ caỵadîhēˊn qoˊa āx dāq ūˊwaᴀdîa. Yucāˊqǃaỵītǃ aāˊdawe wucdāˊt dunᴀˊq ᴀdaˊyūqǃ ᴀduʟ̣îᴀˊtk ᴀnᴀˊx aỵᴀˊkᵘgwaᴀt. Aaweˊ wududzîtīˊn ye aokagaỵe tsᴀłk ʟe acaˊodowaxêct. Aᴀˊsewe qakāˊ kaołîgwᴀˊsǃ. ʟe aqǃᴀweˊ tsa wudjîtēˊx aỵaˊoduʟ̣îg̣ên. ʟe gwâyᴀˊł aqōˊstê. Yūˊqog̣āsǃ tūˊqǃwᴀsiyu qot wūˊāt. ʟe de hᴀs wuduʟ̣îʟǃīˊt yuqog̣āˊsǃ tūqǃ qot hᴀs wuadīˊdjayu. ʟe adeˊ de wuduʟ̣îtsīˊn ỵāˊnᴀᴀt. ʟēł ᴀnᴀˊx awug̣āˊadiỵᴀ qōstêˊ. Tcǃayuˊ ʟīˊya ᴀˊsîwe ᴀtx dudjīˊx.
Wananīˊsawe qǃēˊg̣a yūˊcā kǃīˊỵīt āwaᴀˊt. ʟēł ᴀnᴀˊx awug̣āˊadiỵᴀ qōˊstî. ʟēkǃ-ỵᴀtīˊỵiỵᴀ koˊsaat ināˊnᴀx a anᴀˊxawe sîtǃ wūcuˊ. Anᴀˊxawe ᴀcakīˊ ke āwaᴀˊt. ʟe kᴀkᵘgwanāˊayu yūˊqāttu wuᴀˊtî ᴀcakīˊ ke ᴀāˊt. ʟēł ʟᴀx ᴀcᴀkīˊ ke āwuāˊt ag̣āˊawe. ʟᴀx qǃēˊg̣a qāˊna-ᴀˊdî-nādeỵeˊ wuduˊdzînî. Guł kidjîˊngiyu āqoˊuxe. Aweˊ ᴀkᴀˊt kaosîdāˊg̣ea cî aweˊ akᴀˊt g̣onayeˊ ᴀqgwaāˊt. ᴀtx qēˊnaa tsǃutāˊdawe āx g̣onayeˊ āwaᴀˊt. ʟe kē kaodūwacîˊ, Yūˊēq-hēˊnî cākqǃ qāłuˊqǃ yetêˊxqǃun. Tᴀˊqǃxê agaaweˊtsa łūˊnᴀx ke yē kaˊodudzînī. Āx g̣onayeˊ ᴀqᵘgwaᴀˊdi yūdāˊ sǃāx̣ᵘ qa yukǃudᴀˊsǃ. Ag̣āaweˊtsa qākᴀˊqǃ yᴀx wudjîxêˊn tuwunūˊk, yunᴀˊq awaāˊde a qaxōˊnqǃî. Dadêˊ kaayuˊ qog̣āˊsǃ tuqǃ qot wuadeˊ adadēˊayu. Yên g̣āx dustīˊ aweˊ tsa āx wudūˊwanāq. G̣onayeˊ āwaᴀˊt.
ʟēł wuduskuˊ yuēˊʟǃ qostiỵiỵeˊ yūˊg̣onanatc. ʟe yᴀtīˊỵi ỵēqǃ wudjxᴀˊndî wūcduxoˊx. Ye wucdāˊỵᴀdoqa, “Dāsayuˊ ʟᴀx ye sǃu yᴀx ỵatîˊ. Kǃe yên kᴀx dusnūˊkᵘ,” ʟe yūqoyāˊwaqa. “Dê cwutudzînēˊx,” ye wucdāˊỵᴀdoqa. Yusîˊtǃqᴀnᴀx ēq nᴀx ayaˊᴀg̣aāˊt ayᴀˊxawe ʟe ʟākᵘ awaāˊt yuēˊʟǃ yāˊxdê. ʟe ᴀkāˊnᴀx ỵāˊwaāt yuhīˊn ʟēn yucaˊ taỵinᴀˊx wuduwaqoˊq, ʟēł unałaˊ Ēq-hīˊnî yᴀx qog̣ēˊỵî. ʟe ēʟǃ yāˊxe ỵaāˊwaāt wehīˊn ʟēn yāˊxnᴀx. ᴀtxaweˊ ʟe āˊỵēq uwateˊ wehīˊn yāx. Tcǃuʟeˊ qaᴀˊdîx wusiteˊ yūˊca ʟēn cuqǃāˊnᴀx ᴀdāˊt āˊwuᴀdīˊdjayu. Tāˊkᵘdê. ỵakog̣wahaˊawe hît wuduʟ̣îyᴀˊx yuhīˊn yāxqǃwe wuduʟ̣iyᴀˊxe. Hît ỵaˊoduwasa cā hît akāỵîˊx qōnᴀˊx satīỵīˊn. ᴀtcaweˊ ye wūdūwasaˊ. ʟedeˊ tcǃᴀ aỵēˊq uwateˊ. ʟe ānx wusîteˊ.
Cāˊdᴀdūx-hᴀs wułîtsīˊn. Hᴀsdjawēˊ hᴀs awuˊłîyᴀx weCahîˊt. Djîˊnkāt tāk aỵēˊ hᴀs natiˊ aweˊ ʟēqǃ atīˊỵia dāk aỵaˊodîhᴀn djᴀqoˊx ᴀtux̣āˊgî ye agoxsᴀnîˊ.
Kǃwâdēˊłtᴀ hutcaweˊ aosiwᴀˊt yukēˊʟ̣adi ỵᴀˊtî. ʟēł ułgēˊx kēˊʟ̣adî. Wāˊsᴀqcūˊyu aosîˊnî desgwaˊtc tcākǃ ayᴀˊx ỵakunᴀłg̣êˊn. Desgwᴀˊtc aʟēˊnx sîtîˊ guł yūˊhît yāˊnᴀx ỵakunᴀłg̣êˊn. Desgwᴀˊtc ʟa łig̣eˊ yukēˊʟ̣adî qosūkǃxōˊdê ᴀqsᴀnuˊktc. Duīˊkǃ-hᴀstc qoˊa g̣ᴀdjāˊg̣et hᴀs aỵaheˊ. Ān wuadeˊayu kosîkǃōˊdêtīt ūˊdākuwahoˊ yukēˊʟ̣ᴀdî. Hu tsǃu ʟe ayᴀˊx wūnaˊ ᴀtxaweˊ duīticîỵîˊ kaˊodzîte. Kîtcdāˊcîỵîˊx sîtîˊ yūˊakᴀt-dāk-āˊwaᴀdî a. Yāˊnᴀx łᴀtsīˊnden yucuˊk dułxoˊxgunutc.
ʟe dūcūˊnᴀx duqēˊłkǃî-hᴀs ᴀkāˊwᴀna. Qongacīˊt yudjaqoˊx ỵît yu-yên-aołîyᴀˊxê łīngîˊtg̣aayuˊ hᴀs qoggwacîˊ. ʟᴀx wâ qogukǃēˊsawe g̣onayeˊ hᴀs uwaqoˊx. Hānāˊỵînadêˊ yatǃāˊk ye dowasāˊkᵘ Yāˊkᵘdāt kikᴀˊ. Anᴀˊxawe yên hᴀs uwaqoˊx. ᴀqǃaweˊ akᴀˊx hᴀs qōwacîˊ wesāˊk kǃāˊgᴀn tsǃu. Hīn ỵîkt ỵaˊosîa. Kāt ye hᴀs aosîˊnî yusāˊk an hᴀs agustāˊkt. Kᴀkᵘ kᴀˊqǃawe yên hᴀs aołîx̣ᴀˊn tcǃu kāˊwusxāˊde yukǃāˊgᴀn. Aaweˊ ᴀxg̣ᴀna hᴀs kaoʟ̣îg̣ᴀˊt hᴀs ᴀˊcug̣ōtc. Tcǃuyeˊ kotiỵeˊawe hᴀs ᴀt wux̣ūˊn. ʟe dekīˊdāk hᴀs nᴀqōˊxo aỵaˊodîti dᴀˊqdî kᴀsāˊnᴀx. ʟēł gudēˊsᴀ hᴀs wuqoˊx. Tcǃᴀ āˊnᴀx yên hᴀs uwaqoˊx. Hᴀsdu-djaqoˊx-ỵago kāwawᴀˊʟǃ. ʟēˊnᴀx yatīˊỵia djaqoˊx taỵēˊx wudzîgīˊt. Wūnaˊ. ʟe ā hᴀs ỵawasîˊkde. Guł ʟeqāˊyegeye qᴀ ʟēqǃ aỵîˊs wuteˊ. Yāˊqǃawe hᴀsdukāˊ awadāˊq. Kǃāgᴀˊnawe ᴀkāˊ hᴀs kaˊodzîte qᴀ sāk. Hᴀˊsdukāˊ ᴀnadāˊqawe tsǃu g̣oˊna acāˊỵadax dāk hᴀs uwaqoˊx.
Tcǃaˊ ag̣āˊawe tsǃᴀas aỵāˊwaʟāk Yakᵘdāˊt. Aʟēˊn ānqēˊnî g̣âˊya ayēˊ ỵatîˊ yūˊān, Koskǃēˊdî yūˊadowasāk, ʟǃūqǃoeˊdî yūˊadowasak. ᴀx hᴀs kaˊodudjîkǃᴀn djusūˊg̣a. Tcǃa ayêˊx hᴀs ᴀkᴀnīˊk yucatǃēˊnᴀx dāk hᴀs wūˊade. Āˊ hᴀsta ās tcǃākᵘ ayeˊ hᴀs wutêˊ. Yāˊqǃawe tsǃu qoˊxde hᴀs ᴀt wudix̣ūˊn. Tsǃu weˊᴀqǃ hᴀsduyāˊgo kawuwâˊʟǃ yēˊnᴀxawe yên hᴀs uwaqoˊx. ʟēqǃ hᴀs uwaxeˊ. ᴀtxaweˊ tsǃu dāk hᴀs uwaqoˊx. Yākᵘ kā hᴀs uwaxeˊ. ᴀtxaweˊ tsās ᴀˊnᴀx yên hᴀs uwaqoˊx. ᴀt hᴀs qōˊxawe yūˊca ʟēn sēỵîˊ ye hᴀs duīˊn kᴀdunīˊk yukēˊʟ̣adî dāk ᴀcūˊỵawus hūˊwua de kaỵaˊoduwasa ca ᴀtkǃᴀˊtskǃᵘ.
Yᴀqǃ xāt łᴀsǃēˊʟǃ wugūˊde yūˊca ᴀt-kǃᴀˊtskǃᵘ qǃānᴀˊx-yātīˊỵiᴀt ke akaˊosîha. Yeˊawa kuwāˊtǃᴀ yū-ke-akaˊosîhaˊỵe-ᴀt. ʟayuˊ yu-qādjīˊtx-wudutāˊnea ʟe ayᴀˊxawe wuduʟ̣iyᴀˊx yusǃîˊqǃ. ᴀtxaweˊ yên wududzîniˊ yusǃîˊqǃ du-itīˊqǃawe gāˊwu duwatāˊn wekēˊʟ̣ᴀdî dāk ᴀcūˊỵawus hūˊwu a. ᴀg̣āˊawe duīˊt cîỵîˊ kaˊodzîte. ᴀqǃ tsǃu tākᵘ qakāˊyᴀn uwateˊ yuāˊqo hᴀs wudîqoˊxaỵᴀ. ᴀdᴀˊx yᴀx ỵāˊqogwaha gucuˊk aayuˊ yudîˊs. Yāˊqǃawe wududzîtīˊn djaqoˊx yūˊĒq-hīˊnî ỵînanᴀˊx. Hāt uwaqoˊx. Āˊwe ʟeỵîˊnde wuduwaxōˊx ʟe kāg̣aỵāˊnᴀx yên uwaqoˊx. Xᴀtc Kāˊgwᴀntān ᴀˊseyu yuēˊq-hīˊnî wᴀtdᴀˊx a. Nēłdeˊ wuduwaxoˊx. Hᴀˊsduqǃwēx ᴀt wudūˊwate.
Hᴀˊsduqǃwēx ᴀt nᴀdutīˊ weʟeducūˊnᴀx ỵᴀtīỵîˊ wudjkîkǃîỵêˊn kēʟ tîn hᴀs wuāˊt. Kekǃeaˊawe ʟēł ᴀdudjᴀˊq. Wūˊyên hᴀs aołîdjᴀˊq. Wuckēˊt hᴀs udayāˊîtc. Aweˊ djêˊnwu hᴀs aˊołîqǃêʟǃ cāyᴀˊqǃ. ʟe nᴀx yatīˊỵî hᴀsdukāˊnî tsǃu hᴀsduīˊn wuāˊt. Aweˊ qâq duwaguˊt gîʟǃ ỵîqǃ djêˊnwu îtqǃ. X̣āˊna ayuˊ ye wūˊnî. Łdakᴀˊt ỵî yeˊkudał kaodînᴀˊt. ʟᴀx x̣āˊnaawe ᴀˊnᴀx āt łūwag̣uˊq yudjêˊnwu. Yūˊaîtqǃ ye wunīỵîˊ cuˊqǃwaa-iˊdjawe cīˊt cāwax̣îˊtʟ ducedînāˊx wułîx̣āˊtǃ. Tcǃuʟeˊ aweˊ ᴀcīˊn wudjîx̣īˊx̣ ʟe ʟǃāˊdenỵakᴀˊqǃawe ᴀˊcdjiwanᴀˊq. ᴀtxaweˊ ʟe ỵîˊnde hᴀs wuāˊt. ʟēł ᴀt nᴀtiˊ yᴀx hᴀs ỵaodahūˊn. Ỵēk hᴀs āˊdawe hᴀs ᴀt kāwanaˊ Yakᵘdāˊtdê.
ʟe ducūˊnᴀx-hᴀs de yu-wudjkîkǃîỵêˊn ko hᴀs wuˊdeᴀt yūˊax dāk hᴀs wusdāˊg̣eyedî. Hᴀsdukāˊktcawe qox hᴀs kāwaqaˊ Ēq-hīˊnî kᴀtqǃatᴀˊn Łtaxēˊn yūˊēq aỵēˊỵatî. ᴀqᴀˊxayu qǃᴀłatsinīˊtcayu ʟēł hᴀˊsdutu wāˊuc gu hᴀs ᴀtcūˊwunāg̣eˊ. Daqǃūˊn-djîˊnkāt hᴀs uwaxeˊ cūˊqǃwa dāk hᴀs gᴀsadāˊq. Yūkǃîsāˊnî ʟēqaˊ hᴀs uwaxeˊ. Hᴀs qoˊa ᴀt hᴀs uwaᴀˊt hᴀsduxōˊnqǃî xōt. Ya hᴀs wududjîgêˊ ᴀt hᴀs āt hᴀsduxōˊnqǃî xō, hᴀsduīˊn g̣ᴀˊxduste. ʟēł qox dê ỵe hᴀs āˊdoha. Tcǃākᵘ ayēˊsnati aweˊ tcǃākᵘ yūˊēq ayiyeˊyatiỵî cānᴀˊxde hᴀs wuāˊt. Tcǃayuˊ dᴀˊkdê wuˊsîdag̣êˊa hᴀsduxōˊnqǃî yᴀˊxawe ʟēł ᴀx ỵāˊuguttc yūˊcānᴀx. ᴀtsǃāˊtîỵīỵî tsǃu wūˊna. ᴀt hᴀs uwaᴀˊt wecānᴀˊx kīkᴀˊ. ᴀt hᴀs āˊdayu hᴀs aˊosîtēn yūˊēq. Dayēˊkuwāt. Ke kāˊwaa duwāˊq āˊwu dudjīˊn tsǃu. Āˊwu a yūdōxōˊnqǃî ade wuadeˊya ỵînadeˊawe ke djiułîtsᴀˊq yūˊēq. Aỵîˊn kᴀtǃūˊtqǃawe āx hᴀs āwax̣ᴀˊc. ʟe hᴀs ᴀkāˊwatī wūˊcdᴀx. Tcǃuʟeˊ ducūˊnᴀx-hᴀs tīỵīˊawe hᴀs āˊwaya. ʟēł hᴀsdudāˊt ˊᴀt qoˊwustî hᴀˊsduxonqǃetc tsǃu. ʟe qoˊxde dē hᴀs ᴀt wudîx̣ūˊn. ʟeqāˊ hᴀs ūwaxeˊ tsǃu. ᴀtxaweˊ weēˊʟǃ kᴀqǃ yā hᴀs wuāˊt.
Ag̣āˊawetsa nāqǃ kaˊodowana Yākᵘdāˊt dê. ʟe ᴀt wudūˊwax̣ūn. Weˊeq tîˊnawe ᴀt wudūˊwax̣ūn. Weʟēˊducunᴀx qātc dāk uwayāˊỵî ᴀt tîˊnnawe, ʟe wēˊᴀqǃ hᴀˊsduỵi yākᵘ kawuwāˊʟǃîỵa ānᴀˊxawe yên yᴀk uwahaˊ tsǃu. ʟēqǃ aqǃ uwaxeˊ. Adᴀˊxawe tsǃu dāt ỵawaguˊ Yākᵘdāˊtdê. ᴀnᴀˊx yên yᴀkᵘ uwahaˊ. ʟēł kāt tuwâˊ uckuˊ ayēˊstiỵî. Koskǃedīˊtc āx hᴀs ỵaˊoduwatsᴀq. Hīn aˊho a ye dowasāˊk Kâckǃ-hīn ᴀkǃᵘᴀˊtskǃᵘ ayuˊ Duqdanēˊkᵘ aweˊ wētcāˊsǃ atᴀˊkt aweˊ wududzîtīˊn. ᴀtx ān ye ỵānaguˊtî wetcāˊsǃ qǃᴀkaīˊc gᴀdustīˊnawe weKoskǃedīˊtc qǃᴀtūˊda wuduwax̣ᴀˊc yudoxāˊdî. Doāˊdaỵî tsǃu kaoduwaʟǃīˊqǃ. Aweˊ qātuweˊ ỵanūˊkᵘ yuadeˊ wududzînīˊỵīetc. Aˊawe ʟe ᴀdāˊt wūdj wudūˊwaxōx. Ỵakǃeˊ wuduˊwāu dê yāt hᴀsduīˊqǃ yên kᴀ tusagēˊỵî. Wuduwa-uˊ yuʟǃᴀˊtk. ʟeducūˊnᴀx yetīˊỵî wuckîkǃîỵêˊn hᴀstcayuˊ hᴀs aỵāˊwaʟ̣āq. Yutînnaˊ djîˊnkāt gux ỵēqǃ ᴀłîtsīˊn āg̣aˊ. Hᴀs āˊwa-u yuʟǃᴀˊtk. YuKoskǃēˊdî ᴀkāˊx hᴀs ᴀkāˊwana. Yᴀx ᴀt gwakūˊnutc g̣â G̣onᴀnaˊ ayuˊ ʟeducūˊnᴀx ỵatiỵiˊ wuckikǃeỵêˊn. Tcǃākᵘ ᴀkaỵēˊ hᴀs wuteˊ guł ʟeqaˊ tākᵘ. Kōskǃēˊdî qᴀ ʟǃuqǃoeˊdî āx hᴀs wułig̣āˊsǃ yuʟǃᴀˊtk. Tsǃᴀs hᴀs dê ᴀkaỵēˊ wuteˊ. ʟeł tsǃu dāˊkâ G̣onanāˊ sa akaỵēˊ wutêˊ.
Yuʟēˊkǃ ỵᴀtīˊỵîỵa wuckikǃîỵêˊn tā-ᴀłîtsǃᴀˊx qa udzîkaˊ. Tcǃākᵘ tsǃᴀs kēʟ tîn ᴀt āˊwuadēn. Aʟǃūˊn ʟeducūˊnᴀx-hᴀs wuāˊt, aʟǃūˊn cācuhîˊtî ỵīdeˊ. ᴀtxaweˊ yūˊkîkǃîa dog̣ōˊt awaāˊt. ᴀʟǃūˊn tcǃu tāˊỵê, ʟēqǃ dog̣ōˊt qūwaxeˊ yuuskaīˊtcayu. Ādêˊn g̣oskēˊt yaỵîˊs ᴀtcayuˊ dug̣ōˊt āwaāˊt. Dᴀˊxa dunᴀˊq qoxēˊ. ʟaỵigayeˊdetēx tcǃayuˊ sutāˊỵeayu. Ye adjūˊn qa doxᴀˊnt uwaguˊt. ʟe ye aciaˊosîqā, “Îīg̣aˊaya xᴀt wusuˊ.” ᴀtxaweˊ ye ᴀciaˊosîqā, “He ỵêg̣êˊna xāt hīˊnî yāxqǃ xān ỵēq a āˊng̣ēłqo.” Tcǃᴀ ᴀqǃ aỵᴀˊxawe yuhīˊn yāxqǃ îłqoˊ daqǃūˊndahēn. Wuʟ̣îqōˊ āg̣āˊawetsa ke aoʟ̣îqōˊ yuxāˊt sǃāg̣eˊ. “Aayaˊ ᴀt uwāˊtx īdjîkaỵîˊ ᴀˊtaỵa.” Ye ᴀcdāˊỵaqa, “Tcǃᴀ ʟᴀkᵘ ānᴀtixaˊ, xāt qoaˊnî tcǃîˊtǃaỵi. Ayaˊ ᴀt-uwâˊtxaỵa idzîkaˊ.” Xᴀtc cāt-wuqoaˊnî ᴀˊseyu ᴀcīˊg̣a wūsūˊ. “Dex̣āˊnaya xān gᴀˊge āt,” yuacaˊosîqa yūˊcāt-wuqoaˊnî. Tcǃayᴀˊxawe ān wuāˊt. Yudîkīˊqǃ ke hᴀs āˊdawe yūˊca tuheˊde cułaᴀˊt yuqǃaxāˊt. ʟe aỵideˊawe ᴀcīˊn nēł ūˊwaᴀt. Aitqǃeˊ aqodᴀxsîteˊ yucātūˊqǃ cukᴀˊt a-īˊt. X̣ūtsǃ aỵîˊ hūˊa aỵîˊn adeˊ sǃīk, aỵîˊn adeˊ djêˊnwu. Łdakᴀˊt-ᴀt aỵīˊ hoaˊ.
Dēx hᴀs uxeˊ āˊqo hᴀs wudiᴀˊt duxōˊnqǃê xō hᴀs. ʟe gwâˊỵᴀła hᴀsdukīˊkǃ. Āʟēˊn tūwunūˊgᵘ. Hᴀs āˊwatǃe ʟe wunaˊ yūs-ūwadjîˊ. ʟe dāk hᴀs wułîx̣āˊc. Wudjkaˊ hᴀs ᴀt kᴀs-hēˊx. Hᴀs qōgāˊqgūtx qo-ūˊsaỵa aỵēˊỵati yūˊān. Xᴀtc Teqoeˊdî ᴀˊsîyu ᴀt wusîdᴀˊq îx̣kīˊdᴀx Tān-yêtǃᴀˊq dᴀx.
Aˊᴀcukudjēˊsǃ yug̣îˊʟtu ᴀˊdî ye ᴀcdāˊỵaqa x̣ūtsǃ ᴀtaˊỵᴀ kēkg̣etīˊn tākqǃᵘ. Tcǃᴀ dāˊsᴀ āx qǃaˊodînuq doqǃēˊs dudjᴀˊq yūˊg̣êʟǃ tūqǃ. Dēsgwᴀˊtc tākᵘ yē cunᴀcxêˊn ag̣aˊ ayēˊỵᴀtiỵia. Dēsgwᴀˊtc qoˊxde kaˊodîha. “Yūˊtǃᴀtǃ qǃwᴀn g̣ᴀłag̣āˊs kǃwᴀłx ᴀx-ᴀˊtî aweˊ,” yūᴀciaˊ-osîqa. osîqa. “ᴀkēˊk g̣êłag̣āˊs tsǃu ʟēł ỵitīˊỵa yᴀx ᴀt g̣ag̣edjāˊq ᴀt īcīˊnî. Āg̣aˊ kêk g̣etīˊsǃ wekǃwᴀˊłx. Dewaˊ x̣ūtsǃ kᴀtcusǃīˊk ᴀt āỵêˊsawe āˊyᴀx g̣ogwatīˊ. Āˊya g̣aỵāˊqǃ yᴀx g̣ogwatīˊ wekǃwᴀˊłx. Ỵīhuˊnxō-hᴀs yāˊnᴀx ᴀt g̣ag̣edjāˊq. Seg̣ᴀˊn kᴀx îāˊt. Yūˊdu ᴀ ᴀxyāˊgu itkᴀˊ idjīˊdê qᵘqwᴀtāˊn. Îxōˊnqǃî xodêˊ ān dāk êg̣oˊxłax̣āc.” Dîs kawukīˊsǃî ᴀˊsiyu ʟēqǃ tāt yūˊawasa. Hūtc qoˊa dêˊsgiỵā guwaxeˊ. Dutūwuˊ ỵakᴀˊndax̣îʟǃ.
Wānanīˊsawe duīˊg̣a ᴀt gᴀxdułx̣ūˊn. Łdakᴀˊt-yēˊde-ᴀˊdawe duīˊn kᴀdułnēˊsǃ dudjīỵîˊs. ʟe ayᴀˊxawe tcǃuʟeˊ ᴀt wux̣ūˊn. “Kǃe g̣ᴀstīˊn yūˊᴀxyāguˊ yuxōˊnqǃî xōdêˊ ān gᴀg̣eqoˊx.” Adeˊ ᴀcūwaguˊt. X̣ūˊtsǃỵᴀ yᴀˊxayu kaỵax̣ᴀˊt. Gūsuˊ yuyāˊkx ᴀxsᴀnēˊgî. “We-iyāˊguwu wusᴀˊgwaỵa yūˊnēł ayuˊ cāˊwahîk. Duīˊt yān wuhaỵīˊawe qox ᴀqgwᴀłg̣êˊntc. Ł doqǃēˊx ᴀt īˊtexe qoˊa tcawaaˊ ig̣oxsaxāˊ. Yān ᴀsînūˊk ʟaweˊ,” cāt wuqoaˊnitcawe ye aosîqaˊ, “Nᴀˊgᵘ dêˊ.”
ʟe hīˊnîỵîq uwaguˊt. ʟe aỵīˊyên ᴀt kaˊoduʟ̣îga yūˊyākᵘ djêˊnwu kᴀgedîˊ łdakᴀˊt yēˊdî. Tāˊi tcǃaweˊ sǃatīˊtc adeˊ kᴀˊnîk-ỵa yᴀxaweˊ yatîˊ. ᴀt ỵaˊodzia hîˊnxokᴀt qox ỵāˊwusaỵēˊawe ʟe āˊdak wucīˊx̣tc ʟe ʟēqǃ djêˊnwūksᴀdūˊgawe ᴀqǃēˊx ᴀnᴀtīˊtc. Dēsgwᴀˊtc doānîˊ ỵākunasēˊn. Āneg̣aỵāˊnᴀxawe x̣ᴀkᵘkāˊwuho ᴀcīˊn x̣ᴀkᵘkāˊkên nahēˊnî aweˊ ᴀqǃēˊx ᴀt tīx Łīngîˊt udjāˊqga. Dutǃāˊdê ᴀt kaˊodowaᴀt duxōˊnqǃî. Tcǃākᵘ qodudzîgīˊdî hᴀsduxōˊnî yêt hᴀs ỵāˊwᴀdᴀ. Ān cᴀkᴀˊqǃawe ān dāk uwaᴀˊt. Weduyāˊgu ʟe ān dāq naᴀˊtî aweˊtsa ctātx nᴀnakaˊodzîx̣īx̣. Xᴀtc te ᴀsiyuˊ. Ādeˊ qox ỵᴀseˊtcyᴀ ayᴀˊxawe kaodzîtᴀˊqǃ yuhīˊn. Ye dowasāˊkᵘ Tāˊỵākᵘtc-ỵîx-wugūˊdî-hīn.
Yên uwanīˊ weqāˊ gusūˊwu taᴀłtsǃᴀˊxe. Qa uskāˊỵê ʟēˊnᴀxdê wuckēˊt wudagūˊttc. Kâckǃ cᴀkᴀˊ āỵēˊỵᴀtî sîtǃ ᴀtuwᴀˊnnᴀxnācuˊ yudoˊq tūx ayuˊ sîteˊ. ᴀtuˊ ye aỵag̣oˊxdatīỵî ᴀtūˊdî duᴀˊx. ʟēł ᴀkᴀˊnᴀx dāq uᴀˊttc. ʟᴀx ła tūˊdê qōłkǃwᴀˊngî aweˊtsa ᴀkᴀˊnᴀx dāq a ᴀˊttc. Dohuˊnxō-hᴀs yāˊnᴀx ayuˊ ᴀt uwadjᴀˊq. Tcūˊnet ᴀt ye ᴀnᴀsnīˊtc. Dīnaˊ yūˊdowasakᵘ. Tāˊg̣awe ᴀtāˊk tsa anîˊ dê yāˊkᵘỵī hᴀs wuāˊt. Tcǃuʟeˊ dūcūˊnᴀx hᴀs wēˊtsa aˊỵê dāt unaỵēˊqǃawe ke hᴀs uwaqoˊx. X̣ūtsǃ djêˊnwu acaỵᴀdîhēˊn wesîˊtǃ wᴀntuˊ. ʟe ye ỵanᴀsqēˊtc, “Hîtîkināˊqǃ qōˊta-sǃīk duīˊn” ayeˊ ỵᴀnᴀsqēˊtc. ʟe ỵatīˊỵîỵa aweˊ cācuˊ hîˊtî hᴀs aołiyᴀˊx. Hᴀsduyāˊgu dāqedāˊq hᴀs āˊwatᴀn. Awēˊt yux̣āˊʟ yax ᴀcᴀgᴀˊti ān dāk qǃaodiyᴀˊq. ᴀqǃᵘłāˊkᵘden hᴀs wūˊnî. Hᴀsduwūˊwu hᴀsduqǃaxᴀˊnt cuwax̣īˊx̣. Qoqahāˊ-dîˊsỵadayu ye hᴀs wūnîˊ. ʟᴀkᵘ waỵaodîtiˊ, ʟēł adeˊ hᴀsduaˊnî hᴀs awungaʟ̣āˊgayᴀ. G̣êʟǃx sîtîˊ yuaỵeˊ hᴀs wunîˊỵiỵᴀ. Dēsgwᴀˊtc dēx dîs hᴀsduīˊk kāˊwakîsǃ. Gūtx yākᵘ hᴀs ᴀg̣âˊqsîtīn. Tcaweˊ qākāˊqǃawe hᴀs wutêˊ wecāˊt wuqoaˊnitc wusnēˊxê.
Ciêˊx hᴀs tāxt dahāˊ aweˊ yūˊsîtǃ yᴀx hᴀs qeˊya kaodzîtǃᴀˊqǃ. ʟe yatīˊỵiỵa aaweˊ hᴀs doqǃanawudāˊq ᴀdawūˊʟ ỵes aosîˊnî. ʟēqǃ ᴀtīˊỵia hᴀsduhuˊnx ag̣ōˊt hᴀs wuāˊt yūˊg̣îʟ yᴀqǃ. Ākāwałîˊk. ʟe anᴀˊq hᴀs wuāˊt. Āsqǃ cūˊỵīt hᴀs ūˊwaᴀt anᴀˊq. ᴀqǃaweˊ āt tcianādjᴀˊq. Hᴀs qoˊa łax hît akᴀˊx hᴀs wuāt. Hᴀs āˊwatuł. Desgwᴀˊtc yāndusǃᴀˊq. ʟe dāˊk ỵaosîx̣īˊx̣ yūˊłax tūˊnᴀx yūˊqǃān. Hūtcǃ yuwūwūˊ tsǃᴀs yuqǃāˊnawe ᴀgūˊkt ᴀqēˊn. Lēł āt djudjāˊq yuhᴀsduhuˊnx kᴀx qeˊwaa.
Hᴀs ᴀkāˊwacūq yuhᴀsdukīˊkǃ. “Gusūˊwu ỵīg̣āˊt wusūˊwu a. ʟēł ỵîqǃeˊ ułqǃēỵīn ᴀt wudjāˊq.” Hᴀsduqǃwaiˊyēt kǃānt uwanuˊk. Tcǃᴀkug̣eˊỵî yēˊdî ᴀt wux̣ū’n. Ỵāgᴀgūˊt qotīˊsǃ tcayuˊ catuqāˊwutc adêˊ daỵaqāỵîỵaˊ yᴀˊxawe qōwanūˊkᵘ. Āweˊ aosîtīˊn hᴀsdukēˊʟ̣î ʟ̣ēt yᴀx hᴀs iteˊ hᴀsduīˊn wuckēˊt wudiᴀˊt. Yūˊkǃeʟkǃ aosîtēˊn kînda ke nacīˊx̣î. ᴀt aoʟ̣îg̣êˊn. Aosîtēˊn ᴀqǃ qōˊdᴀt a djêˊnwu ᴀsiyuˊ Łᴀkǃ wuhīˊnî aweˊ tsǃᴀs adēˊ saˊoduwaᴀx. Adeˊ ᴀcaˊ ye kᵘdîʟaˊ ᴀcedîˊ yudjêˊnwu. ʟēˊqǃawe ᴀtūˊdî aosîgūˊ wetsag̣ᴀˊʟǃ. ʟe ᴀc ūwadjᴀˊq. ʟēł adeˊ ūˊnᴀx sîˊniiỵa, atǃᴀˊxkᴀnᴀˊx nēł ckaˊoʟ̣îqǃîqǃ. ᴀt ʟēn ayuˊ ᴀx ᴀkaołîx̣ᴀˊc. Xᴀtc yetsīˊnet-ʟa ᴀsîyuˊ. Tsǃᴀs weaỵîˊkîawe ᴀcūˊtx awałîx̣ᴀˊc. Dēx ʟeł yᴀxyᴀˊx kᴀsîkāˊk. Ān dāk wudjîx̣īˊx̣ dohōˊnxō-hᴀs xᴀˊndî. ᴀkāˊtxawe qᴀgeˊwatsīn. ʟeckāˊx hᴀs at wuʟ̣ikêˊʟǃ. Łdakᴀˊta ᴀt hᴀs ᴀkāˊwadjêł. Yuhîˊt ỵīt yuʟ̣īˊīātxaweˊ qox hᴀs qaodîciˊ hᴀsduhuˊnxō g̣a. G̣ōtc qoaˊnî ᴀˊsiyu ᴀc wusîˊnēx. De ʟēł ugeỵīˊawe hᴀsduwūˊwu hᴀˊsdu yā uwaqoˊx hᴀˊsduỵîgaˊ qociỵîˊ. Hᴀs aołîʟīˊt hᴀsduhuˊnx. Ayeteˊx hᴀs qowucîˊ. Āndeˊa hᴀs wuāˊt. ʟe ānt hᴀs uwaqoˊx. Hᴀsduīˊn ʟeyēˊqǃde yē hᴀs wuqīˊtc ʟᴀkᵘ uxqēˊs-ninīˊdjayu.
ᴀtxaweˊ yāˊdê hᴀs tūˊwate hᴀsdukāˊnî tîn. Kîtcîłdᴀˊłqǃ yūˊdowasakᵘ hᴀsdukāˊnî ʟe yāˊdê hᴀs wukoˊ. ʟeyāˊq dāk hᴀs uwaqoˊx. Cāˊwᴀt ỵêt āˊwa-u, Kᴀstaxēˊxda-ānt hᴀs uwaqoˊx. Hᴀˊsduỵêˊtkǃo koyēˊkułîg̣e. ʟēł qā ye ustīˊntc. Āˊkǃᵘde ayuˊ ỵāsnaqoˊx. Ā hᴀs ỵāˊwasîk ākêˊnqǃ. Doqēˊłkǃî -hᴀs qodzîteˊ Kîtcîłdᴀˊłqǃ. Tān yuwuỵîˊqǃ yeˊỵatî sāk-exēˊ ʟacūˊt hᴀs awudaagêˊ gᴀnᴀłkaˊt hᴀs ax ōg̣ēˊqtc. ᴀx hᴀs kǃᴀnakōʟ̣îg̣ᴀˊt yux̣ūˊn. Dēsgwᴀˊtc dēx dîs āỵeˊs ỵᴀtiˊ yux̣ūˊn tǃēqǃ. A hᴀs tāła x̣āˊdjî yūˊtān yuwuˊ hᴀs aosîkǃîˊtǃ. Dēsgwᴀˊtc ᴀtqǃēˊcî kîˊkî ᴀt tīˊndjᴀ ʟak aỵaˊodite yux̣ūˊn. Dēsgwᴀˊtc cg̣axᴀˊnx hᴀs ᴀt ỵaodzîxaˊ. Ayuˊ yūˊtāt hᴀs xᴀqǃᵘ ʟēł ciˊaỵide hᴀs wudaxēqǃᵘ. Wānanīˊsawe qeakādeˊawe tādj uwadjᴀˊq Kîtcîłdᴀˊłqǃ qoˊa. Tādj wudjag̣ēˊawe ye awadjūˊn ᴀcxᴀˊnt uwaguˊt yuqāˊ. Ag̣ᴀqaˊ ᴀcxᴀˊnt uwaguˊt. Yux̣ūˊntuwuˊ ᴀsiyuˊ ye ỵawadjūˊn. “Îsīˊ ᴀxdjīˊt djîtᴀˊn,” yuᴀcdāˊỵᴀqᴀ. “Ag̣aˊ adeˊ āˊni qox ỵaỵēkg̣êsatīˊn.” ʟēł ᴀqguhīˊn yu-adeˊ-ᴀdjūˊn-ya. Qenaaˊ ye qǃaỵaqaˊ, “ʟēł adeˊ djūn qǃa yᴀˊx yuckuˊ-kᴀʟ̣înīˊgîˊỵa.” Ducᴀˊttc ye dāˊỵaqa, “ʟēł ayᴀˊxawe qǃaỵiqaˊ ayᴀˊxsatî kᴀt djūn.” Ducᴀˊt aqǃakaocîkǃᴀn yuqāˊtc. “Hadāˊt sᴀˊkᵘsawes xān kīnīˊk idjūˊnî? ᴀˊtcawe ʟᴀkᵘ idāˊt qǃaxâˊtᴀn.” Qēˊnaa hᴀˊsdu eg̣ayaˊỵîk hᴀs qowacîˊ g̣āʟǃ kāˊha. Duqēˊłkǃ-hᴀs qoˊa uhaˊ kaodîg̣āˊʟǃ. Hᴀs gᵘgwaxēˊqǃuawe hᴀsdugᴀˊnî duāˊx̣ Daqǃūˊn uxīˊawe tsǃu āˊwadjūn wex̣ūˊn-qāˊayu ᴀcxᴀˊnt uwaguˊt. “Îsīˊ ᴀxdjīˊt djîtᴀˊn āgaˊ ādeˊ yānîˊqoxỵᴀ yēqg̣êsatīˊn.” Ducᴀˊt ye adāˊỵaqa yuqēˊnaa. “Adeˊ ᴀxᴀdjūˊnî ᴀˊxdê yên ckᴀkᴀsỵāỵîˊ.” Duqēˊłkǃ ye aỵaˊosîqa, “Yux tǃāˊnīsīqǃ îdjīˊt qāˊdjî wuxâˊtᴀn,” yūˊyênᴀqᴀ.
Dusīˊ xᴀnt uwaguˊt, “Yukǃeˊ kᴀcaˊ,” yūˊᴀciaosîqa. ʟ ᴀcīˊn wuxēˊqǃ. ᴀdjîgāˊc kaodjînuˊk. ʟᴀ ʟāˊgᴀc wusîˊnî. ʟe kaˊoduwayēʟǃ. ʟē hᴀs ᴀt wux̣ūˊn. ʟe duʟaˊ tîn akāˊwanîk wecāˊwᴀttc. “Āg̣aˊ qǃāˊqǃayu ᴀxxᴀˊnx gut.” Āˊgude dāk yaˊoʟ̣îᴀt. Yᴀqǃāˊqǃawe tsǃu ᴀcxᴀˊnt uwaguˊt. Cᴀkāˊnᴀxawe cî hadeˊ kᴀnāˊda agīˊknᴀx kᴀduskūˊx. Hīˊndê āˊyᴀx kᴀdusxēˊxỵa ʟe kaˊoduwayēʟǃ. ᴀˊnᴀx yên hᴀs uwaqoˊx. ᴀtcaweˊ ye ᴀt g̣adułkūˊwun “Djīˊdᴀgî kādjîỵatᴀˊn Łīngîˊt-āˊnî łᴀkīłx̣ēˊʟǃ?” ᴀt uwaqoˊx aᴀˊq qoaˊnxō ᴀqǃ ye wuteˊ.
Tākᵘ tākᵘdjīỵīˊnawe gᴀˊng̣a naadîˊ naᴀˊttc. A-iteˊawe ducᴀˊtdjîỵîs ducᴀˊt qǃēntāˊqǃaỵî kāwawᴀˊʟǃ a-iteỵîˊs āx łayeˊx dawawugūˊt. Aˊawe nīdjx wuguˊt. Łdakᴀˊt-ᴀt ke ᴀłxuˊtǃtc g̣ᴀqᵘ sîtīˊỵi ᴀt kᴀqǃ. Akᴀgēˊt aosîtīˊn yucāˊwᴀt yuēˊqǃ qokdahaˊ. Ỵêtkǃᵒ dudᴀˊqǃ kā wuaˊ. “Dukᴀgēˊ xᴀt nᴀxdudjîˊ,” yūˊỵāwaqa. ᴀxᴀˊnde ỵāg̣āgūˊdawe ʟēł cāˊwᴀt ūˊwatcǃayu aỵᴀtīˊnîa g̣onᴀyāˊdaỵakāˊx̣ᴀt. Xᴀtc ʟǃêˊnᴀxx̣īˊdᴀq ᴀsiyuˊ aosîtīˊn. Naqǃa-iteˊ ỵadudᴀˊqǃdê ag̣ēˊtc weyāˊk nūˊqǃu.
ʟe dāk ᴀkāˊwaᴀt yūˊ-ᴀt-kaodzîkīˊtiyēˊdî. ʟēł yu-ᴀkāˊwudjî axᴀˊndê yagacīˊxawe ᴀkasᴀˊnqǃ āwacāˊt. Tsǃᴀs atūˊnᴀx ỵāˊwadjêł. Yāayêˊnᴀs nᴀq āwacāˊt. Tsǃu ᴀtūˊnᴀx ỵāwadjêˊł. De āsdjîseỵīˊde ỵānacīˊx̣îawe ᴀkāˊ dāk seˊwaha duguˊk-kᴀdjāˊcî. Guˊkdᴀx yūˊde akaˊodîg̣êtc. ᴀdᴀˊxawe aỵaˊosînāq. Awacāˊt akᴀˊqǃ yūaỵêˊdî ag̣aweˊtsa kaˊodîg̣āx wēˊcāwᴀt. Gᴀˊxᵘde ᴀc ỵawacāt. A-iteˊ kaołisîˊʟǃ. Cūˊqǃwa ᴀgacāˊt ye awuʟ̣îxēˊsǃ “Anqāˊwox xᴀt nᴀxsatiˊ qǃwᴀn. Łdakᴀˊt ỵēˊdê” ᴀłxēˊsǃ, “tcǃu axiteˊ ỵᴀˊditc tsǃu ig̣āˊxłacāt” aweˊ qâq dāq ỵāˊwaqa. Tsǃᴀs ye aoduʟ̣ixēˊsǃ qâq, “Dāqx xᴀt kᴀxłanāˊłx qǃwᴀn.” Yūˊdage dāq aỵaāˊt ᴀˊcu kaˊodjiqāk. Xᴀtc awaʟǃîˊʟǃ ᴀsiyuˊ yucāˊwᴀt. Ax g̣ᴀdagūˊt xēł ᴀt satīˊn. Yîkᵘłiyāˊtǃ dohāˊʟǃî ᴀsiyuˊ ʟ̣ēt yᴀx ỵatîˊ. ʟe ᴀt tūˊdê ye aosînêˊ yūˊxēł kuqǃ tūqǃ aỵiˊ ye āˊwa-u. Yūˊxēł ᴀdāˊka qōkᵘ ʟe aołiyᴀˊx. Dā-nākᵘ yūˊduwasakᵘ yūduyaqǃēˊtcî. ᴀc sîxᴀˊnea dokāˊnîdjīˊdawe ucāˊttc. Tcǃa ye gug̣aikǃeˊ-ᴀˊtawe ʟe aʟēˊnx wusîteˊ. Āʟēˊn ānqāˊwux man wusîteˊ.
Tākᵘ iteˊ Yākᵘdāˊtdê ᴀt wux̣ūˊn. ʟēł aỵā wuʟ̣āq doāˊnî, yᴀx dāq hᴀs uwaqoˊx. Aodîgāˊn. Gāˊniyux ᴀkāˊwadjêł doᴀˊtî. Duīˊt yetāˊwaha. ᴀtaỵīˊqǃ yên cwudzîtaˊ. ᴀt ỵᴀˊtqǃî ᴀtǃēˊniqǃ łuwag̣uˊq. Dukādêˊ dāk kaodzîkoˊq. Doqǃōˊʟǃ tūˊnᴀx aỵaodîg̣ēˊtc yutîˊnna. Wuʟ̣îkaˊʟǃe yêˊxayu ỵᴀˊtî. Duʟ̣āˊkǃ ỵᴀˊtî doxᴀˊnî yeˊỵati. Duqēˊłkǃ Xᴀtgāwēˊt yūˊdowasākᵘ. Tcǃa ᴀqǃ ke aosîgᴀˊn dukāˊk. ᴀsǃāg̣êˊ aỵāˊwaxa qᴀ łdakᴀˊt dukāˊk ᴀˊdî. Yākᵘdāˊt ỵāˊwaxa dukāˊk sǃāˊgê. ʟēł agowᴀnāˊdî wutiˊ duqēˊłkǃ. Hūtc tsˊu aołîcāˊt yuʟǃêˊnᴀxx̣īˊdᴀq. Cînᴀxâˊỵe-sᴀˊkᵘti g̣ā wuˊgudîayuˊ aołîcāˊt. Dukāˊk caỵadāˊxayu ᴀdāˊq wuguˊt yuʟǃêˊnᴀxx̣īˊdᴀq. Dukāˊk yāˊnᴀx ānqāˊwux wusîteˊ.