Dax̣ēˊtayu ᴀnaēˊtc Kîksᴀˊdî, xāt ayēˊsᴀtanēˊnutc. Āˊawe ᴀqǃ yêˊndî ᴀt yaᴀtnaduˊqǃwᴀn yuxāˊt ᴀtqǃēˊcî sᴀkᵘ dādusāˊxdê. Aˊawe kēˊʟ̣adiyaỵiqǃ yeadāˊna dāˊsǃa, awāˊq dēˊsnaaqnutc. Acūˊtc nēł gūˊdawe At yan ūwaxāˊ. “ᴀʟeˊ xāt yan uwahaˊ. ᴀtqǃēˊcî ᴀxdjīˊt tê.” ᴀcdjīˊt āˊwate yuᴀtqǃēˊcî. Acêˊnya wudîʟāˊx. Ye aỵaˊosîqa yuᴀtqǃēˊcî, “Tsǃᴀs cᴀnỵāˊkǃᵘʟāx qaqǃēˊxᴀtexnutc.” Yitǃēˊdᴀx dādusāˊnutc. ᴀtqǃēˊcî aỵîˊ yē aỵaˊosîqa. Tcǃuʟeˊ atūˊxawe tǃāˊỵaodowaqa, “Edāˊsǃaye awāˊqǃt uwaguˊt kēˊʟ̣adî.” Tcǃuʟeˊ akudjīˊnawe ādêˊ dak wudjix̣īˊx̣. Tcǃuʟeˊ akāˊde hīnx wudjix̣īˊx̣ dudāˊsǃaỵî. Hīˊndî gīỵigēˊdaqx̣ūˊawawe hīˊnde wuduwaxōˊtǃ āyᴀˊx wūˊnî yuỵadᴀˊkǃᵘ. Łdakᴀˊt yuxāˊt yedānēˊỵî ỵīˊỵîawe dutǃāˊt ʟūwaguˊq. Qoducīˊ duīg̣aˊ. ʟēł wudustīˊn. Tcǃuʟeˊ ʟēł wuduskuˊ wāˊsa waˊniỵe. Tcǃuʟeˊ yuxāˊt qoˊa ayuˊ tuwuˊqłîg̣ê. Yuhīˊnwᴀtqǃ wūckᴀˊt caoditeˊ. Xᴀtc xāt qoaˊnî tcaˊyu ye usîˊne. Dūīˊn tcǃuʟeˊ dāk ỵāˊwa-a yūˊxāt qoaˊnî. Hᴀsduānêˊdî an dāk hᴀs ūˊwaha. Yākᵘ yêx acwagêˊqdayēˊn. Xᴀtc anqāˊwo ᴀsîyuˊ xāt xōˊnᴀx yêtx ᴀcułîyᴀˊx. Tcǃᴀˊtu xᴀˊnu yukēˊʟ̣adî dāk acuyāˊadzīhu dekīqǃ. Tcǃuʟeˊ ayēˊ wuteˊ āˊxō xāt qoaˊnî ānîˊ. ʟēqǃ tākᵘ dukaiˊantî. Dekīˊqǃ ānqǃaˊỵe yūk dix̣wᴀˊsǃ quhāˊkᵘ. Tca qāˊỵatǃen nᴀxāˊwe akaˊodikâtc. Tcǃu yūantqenīˊtcayu kē tǃāˊuwaîqǃ, “Āntqenîˊ hāˊʟǃî aỵaxāˊ Cᴀnỵāˊkǃᵘʟāx.” Ag̣āˊayu tsa duyaˊ wuduwasaˊ yusaˊ. Ckᴀ aˊodzîku yuxāˊt qoaˊnîtc wusnexeˊ. Tcǃuʟeˊ taỵidēˊ wuguˊt tūdīuˊs. Tsǃutāˊdawe ye ỵawaqaˊ duīˊc, “Wāˊsa īỵaˊo-dudzîqaˊ ᴀxỵīˊt.” Tcǃuʟeˊ yux qǃēˊwatān “Qatukᴀˊxsaqa-hīˊnîde ūn yākᵘ ga-īˊtān. Āwᴀˊtkᴀ dūˊłî sēˊnᴀx qǃoa’n djīˊyayîte.” Ayᴀˊxawe aˊositēn, yên yūk duwax̣îˊx̣k dēx wucdaỵīˊn yuhīˊn wᴀtkaˊqǃ. Łdakᴀˊt ᴀˊtawe yaỵîˊk duwaᴀˊxtc yuhīˊn ỵîk qên. ᴀˊtcawe ye duwasāˊkᵘ Qatuˊkᴀxsᴀka-hīn. Gusuˊ tūwunūˊguỵīỵî? ʟe dutūˊtx qot kaodukǃīˊt.
Tcǃu xāt qoaˊnîtc tsǃū sikuˊ qoˊxde dîs yayêˊnqǃ xāt dîˊsîx sateỵîˊ. Yayêˊnqǃ hāgutūˊnᴀxawe dāk wushīˊntc yūˊxāt sᴀkᵘ. Wānanīˊsawe duīˊn ᴀt wudūˊwax̣ūn. Yāyêˊnde tcǃu kācukᴀˊdawe ᴀt wux̣ūˊn. Yāyêˊndî ʟǃūkǃ qoaˊnî ᴀˊawe ʟe yᴀx ỵaˊodudzîtᴀqǃ aỵaguˊ ʟǃūkǃ. ᴀtcaweˊ kāîˊtqǃ tāqawaēˊtc ʟǃūkǃ. ʟǃūkǃnᴀxᴀˊdî cagūˊnaya ʟǃūkǃ. ᴀtcaweˊ tcuỵiāˊt ʟǃūkǃnᴀxᴀˊdî tsǃu łīngîˊt łītcǃīˊỵîᴀq. Wānanīˊsawe ʟēqǃēˊg̣a ᴀt wux̣ūˊn, tīʟǃ, qatcāˊsǃ. De Ākǃᵘtatsīˊn tîˊnayu yêˊndî ᴀt wudūˊwax̣ūn. G̣onaỵēˊ ỵaˊwa-a yêˊndî yuxāˊt qoaˊnî ʟēn. Wānanīˊsawe atǃēˊt ỵaˊwagu yūsîīˊt yuxāˊt qoaˊnitc. Aaweˊ yusîīˊt qǃēxqāˊwagaỵîaawe tīładayēˊnatitc. Āˊnᴀx dᴀq kᴀx dᴀkǃîˊtînawe tcǃuʟeˊ yūˊłīngîˊttc yatîˊnî gūsǃ ỵīnᴀˊx daq ỵāˊwuguwu aweˊ ʟe yākᵘ uwāˊnutc. Tcǃuʟeˊ yᴀx dāq wugūˊtc. X̣wēˊkeq duhāˊîtc tsīk tsǃu dułiᴀˊkanutc. Tcǃaˊyu xāt qoaˊnî ayuˊ yaqonuˊknutc. Yūˊtayᴀtǃaỵi ỵadeˊ ayuˊ wucdᴀˊ g̣êtcnutc yuxāˊt qoaˊnî. ᴀduktuˊ ūwᴀsǃaxōˊa. Ītīˊawe ayêˊnatitc yūˊxāt xāˊsǃīqǃ. Akǃᵘtatsīˊntcaweˊ qōˊsîku yūˊxāt qoaˊnî adeˊ wuctadᴀˊnaỵa.
Wānanīˊsawe āx ᴀt wux̣ūˊn yayiêˊndî gonēˊ ỵāˊwaa. Yuxāˊt qoaˊnî agēˊt ỵāˊwaa yao qoaˊnî. Xāt qoaˊnî yagūˊỵîknᴀx wudūˊwahān. Yē hᴀs ỵaˊodudziqa “Ỵīdᴀˊtsqoetc ỵīˊwᴀckaqǃoˊkotc kaˊosînex.” Yūˊtǃa-hᴀs wūˊtciaxt kᴀstîˊqǃ. Tsǃᴀs tsǃu ye ỵawaqaˊ yao qoaˊnî, “Ỵīcukᴀˊt qōˊỵaotuwaʟa. Detcǃaˊ hāwᴀcqaqǃoˊxoawe hāqahāˊgu. Ỵidᴀˊtguetc łīỵīkᴀˊdeỵiỵîˊk qołaʟǃīˊx̣?” G̣onayēˊ ỵawaguˊ xāt qoaˊnî yaqǃāˊtǃqǃadê. Yaqǃāˊdqǃ tǃikᴀˊt saxīˊx̣awe ye ỵawaqaˊ’ yuxāˊt anqāˊwo, “Dāquhīˊn de sᴀˊỵihan?” Yūˊwuctaỵadaqa xāt qoaˊnî, yūˊtǃa-hīˊnde yūˊqǃaỵadoqa yūˊxāt qoaˊnî, āˊxōx ya hᴀs djîkᴀˊndoᴀq. Tcāsǃ koyēˊqǃaỵaqa, “Ohāˊn, qoˊa, tcahēˊ Qǃᴀˊtstu-hīn.” Qonᴀˊx wēˊłīngîˊt aosîˊnexe aqoˊa Dax̣ēˊt āwasaˊ. Wᴀtāˊnỵaỵî xāt qoaˊnîtc yeˊuwasa. Tcǃuʟeˊ hīˊnwᴀt ʟēłguha. Yūˊqǃa qoyēˊduwasa Yułuˊkłîx̣āˊckî-qǃa, tcāˊtcǃᴀs yên wunīỵîˊ, yunūˊ at-qǃān-hîˊtî ayuˊ. Hᴀsduwāˊqǃ yē kudayeˊn yūˊxāt qoaˊnîtc. Ye adōˊwasākᵘ yuxāˊt łīngîˊttc “tsa-ỵêˊtqǃî-tīˊʟǃî.” Cūˊgu hīn wᴀt deyaîˊn ỵᴀnaēˊnî ʟaganîˊs łuˊgu dusxōˊtǃnutc anāˊx nᴀˊg̣atānt. ᴀtỵêˊtqǃî qoˊa ye ūłxēˊsnutc, “ᴀxīˊc āỵîˊnade.” Wananīˊsawe ᴀnāˊx āg̣atᴀˊnîn, tcǃuł āˊdudjaqdjîˊ. ʟᴀx wâˊsa qātuwuˊ sagūˊnutc.
Wananīˊsawe wuduˊdzîtīn qǃēˊg̣a duīˊc yūˊnākî hīn ỵîknᴀˊx ỵanaqoˊxo. “Ckǃeāˊgîtahān,” yūˊỵaodudzîqa. Ke ūwatᴀn.ˊ “Hᴀʟ̣agwaʟ̣aˊ” ʟa yūˊỵawaqa duʟaˊ. “Xāt kǃᴀdēˊn,” ʟayūˊ ᴀc ūwasāˊ duʟaˊ. ᴀtxaweˊ hīnt uwaqǃᴀˊq xāt. Dax̣ēˊt ỵîkt îxtaỵīˊn yax wusqēˊtc ca dᴀx̣ᴀˊcî. Yuxāˊt qoˊa wuckēˊt-cādatīˊtc yuhīˊnỵîqǃ. Xᴀtc yūdᴀx̣acāˊayu dułēˊtcnutc yūˊxāt qoaˊnîtc. Aỵīˊnqǃ yêduqǃâˊnawe tsa ye ỵaˊodudzîqa, “Îʟāˊxᴀnde nagᵘ de.ˊ” Dᴀx̣ᴀˊc ēqqǃ duʟaˊ xāt. Yaîˊc kᴀt wułix̣āˊc yūˊyākᵘ duēg̣ayāˊk. ᴀˊtaye nᴀˊxawe dāq cwułîx̣aˊctc. Tcǃuʟeˊ duxoˊx aỵîˊs āˊwaīqǃ. “Akǃᴀxāˊdahe hēˊnᴀx dāq cîyêˊłx̣āctc.” Kǃēˊqǃa āˊwacāt duīˊctc. ʟeł ye awuskuˊ duỵīˊt sᴀtīỵîˊ. Dekīˊt wuˊʟ̣itsîs dudjînᴀˊq. De ā awułîx̣ᴀˊttc duỵīˊt. De tāk dukāˊyᴀn uwatīˊ. Wananīˊsawe āˊdāq uwakᴀˊqǃ duīˊcdjiỵīˊqǃ. Akǃēqǃawe x̣ᴀkᵘ kā awaxoˊtǃ. ᴀcāˊ awaxêˊtc tūdj sᴀkᵘ. Tcǃuʟeˊ ducᴀˊtdjīt awaxêˊtc. “Nax̣ᴀˊc. Gux tūsīˊt.” Tcǃuʟeˊ wâˊsa xāt cdjiỵeỵêˊn dustaˊîtc gux dux̣ᴀˊcî.
Tcǃu tcǃākᵘ łīngîˊt tîn kaˊodzîte yuēˊq. Eq katîˊqǃayu dusᴀˊ yūˊyatǃᴀqǃᵘ. Ān hīn xō gudīˊn. Tcǃākᵘ asᴀkᴀˊt yuayetēˊgeayu ʟēł ᴀˊcdjî g̣āˊuctî, aỵᴀˊtaoʟ̣îg̣ên dułîˊtaỵe. Eq qǃᴀqǃêˊʟtᴀqog̣âˊyaayuˊ dułîtaˊỵê. Tcǃuʟeˊ āˊwaīqǃ duxoˊx, “Hāˊgu.” ʟe adāˊ hᴀs ỵaodzīˊa. Duỵīˊt sēˊtkᴀtīnî ēq katîˊqǃ gwâỵaˊ. Tcǃākᵘ qāˊdjî yên unēdjîˊn łītǃ yūˊdowasakᵘ. ᴀt tcułuˊ awuskuˊuawe wełīˊtǃ tūˊdî āˊwaxetc. Adāˊ awuqǃâˊʟǃ. Yaˊhît kᴀqǃāˊn ke aosîtaˊ yūˊxāt łītǃ tūt. Djuqēˊqǃaawe adeˊ kaỵîˊk wudūˊwaa. Uˊxyek ūˊwatsᴀq. Qēˊnaā akekᴀˊni ke ūˊwagut. Qā ʟēn gwâˊỵa ᴀt sᴀtāˊn, yūˊxāt ỵīˊỵî.
Łdakᴀˊt yūˊhîtqǃ aˊỵidᴀx gāˊniyux ᴀt kaˊoduwadjêł. Ceỵadihēˊn Kîksᴀˊdîᴀqǃ yūˊxāt ỵīˊỵî tcǃuʟeˊ ūn nēł awuadeˊawe yux qā qǃᴀkāwᴀnaˊ: “Ỵîn ducāˊ nag̣āadîˊ yūˊāntqēnî.” Yuayūˊ yux awaguˊt. Kē ỵaˊoduwaxa ēʟǃ qa sǃᴀx̣tǃ. Yēk wududzîguˊt. Tcǃa dōˊqǃwaya yên donaˊawe wuduʟ̣iqōˊ. Yusǃᴀˊx̣tǃ qa yuēˊʟǃ wuduʟ̣iqōˊ. X̣āˊnade ỵāˊqogahaawe wudîcuˊtc yuîˊxtǃ. Aēˊqǃg̣ayā hoēˊkǃᵘ ye wuduwasāˊkᵘ, Xîˊdja-ēqǃî ataˊodacudjīˊdjayu. X̣āˊnaawe qǃēˊg̣a kayēˊk wuāˊt. Doqǃēˊnᴀx cî tcǃa yūt qǃanᴀsxêˊntc, duīˊyekqǃ g̣āg̣aᴀˊtîn. Duyēˊgîx osîteˊ wēˊdaqa ᴀˊcuỵaodzihowu kēˊʟ̣adî. Ag̣āˊawe āˊqᴀ cukāˊwadja wehīˊn ỵîk xāˊdî adêˊ da gᴀx donēˊỵa. “Daqǃūˊn ỵīkᴀˊqǃ wucdᴀˊx g̣atdux̣ᴀˊctc.” Doqǃwayᴀˊx ye āwasaˊ, “Adēỵaˊ.” ᴀtxaweˊ ye aciaˊosîqa duyēˊgî, “Yūˊdo ᴀ Kēs-ᴀˊxdji-hīn ᴀqǃ g̣adūˊsǃît xānᴀˊsǃ yuqǃāˊswᴀnkᴀqǃ.” Akūʟ̣êˊnxa ayuˊ duyēˊkqǃî adêˊ łîtsīˊnîỵa. Yᴀx g̣ałēˊ yuqǃāˊs ādeˊ uduwaqǃāˊsîỵa. Kîksᴀˊdî akᴀˊdî aˊodeha yuxāˊnᴀsǃ. Duyēˊkqǃîtc ye uwasaˊ “Tān-xāˊnᴀsǃ.” Wānanīˊsawe akāˊwana. Yuxāˊnᴀsǃ ᴀdᴀˊx qǃaodîsaˊ. Yūqǃāˊs tūˊde ỵîs yuʟēˊnᴀx qā ʟēł tuwūˊwîłtsīn. Yūqǃāˊswᴀnx ʟ̣ix̣wᴀˊsǃî ᴀt tǃᴀˊne aołicāˊt, yuqǃāstūˊde kᴀt caoʟ̣ixêˊdje ayuˊ yuxāˊnᴀsǃ. Tcǃuʟeˊ hāỵideˊ wułīg̣āˊsǃ. ʟēqǃ uwaxeˊ.
Tsǃutāˊt hīn wᴀˊtdî akayēˊk wudūˊwaᴀx ᴀtxēˊtc. Haỵînᴀˊx ke ỵaˊosiqǃut yuxāˊnᴀsǃ. Yūcwutsǃîneˊxea duxōˊnqǃî xo ỵāˊwugut. Ye ckᴀłnīˊk Kîksᴀˊdî qot cūˊwax̣īx̣. Cā qoˊa g̣āxsatîˊ. Tcǃayuˊ îxtǃ waqcīˊỵî ayuˊ yēỵatî. Atcayuˊ ye ỵawaqaˊ. Duyēˊgî qǃayᴀˊx ʟēł wâˊsa āˊwanî yūˊłīngît. Aˊna tsǃu ʟēł akaˊowułsǃeʟǃ. ᴀtcaweˊ Kîksᴀˊdî tuwuˊłîtsīn. Yuqāˊ qoˊa kāˊdēqǃ akāˊx adaˊqt wudjīx̣īˊx̣î. ᴀkāˊx kē ỵaduskuˊx.
Uqǃ yēk wūˊāt. Tsǃu kūˊcta aỵāˊwacî dułatsīˊne ᴀt yᴀq dostāˊdayu. Aīˊhaiāt łu wasatīˊnqǃa adêˊ akāˊwana dōxonqāˊwo. “Wusāˊnî g̣ᴀ tᴀn.” Aˊya wuquˊx. ʟēł daˊsa awustīˊn. Ā ūˊwaxe x̣āˊna. Ax ke uwaqoˊx. Tcǃuqēˊqǃaawe ye ỵawaqaˊ, “Āˊyā xᴀt wug̣axaˊ.” Yuîˊxtǃ ye ỵawaqaˊ, “Yaīˊx̣ nᴀxaˊ uwaqoˊx.” Ye aỵaˊosîqa doxonqāˊwo, “Îguāyêˊx qǃwᴀn.” Adaˊde qǃᴀstōˊx yuāˊda kūtcǃ. Aołîhîˊk. ʟe uwudagudeˊawe doqǃwayᴀˊx ʟe yūqǃakᴀˊnᴀx kē gwugugoˊawe, yukūˊcta-ʟǃīt uwagᴀˊsǃ. ʟe akāˊwana yuîˊxtǃîtc, “Āˊnᴀx āsaqoˊx dê.” Qasǃ yᴀˊxayu kaˊołîtǃîˊk yukūˊcta. Yuāˊda duʟǃīˊt dēˊỵax̣ᴀt. ᴀtcaweˊ tcǃūˊỵidᴀdî qāˊwutc ye ỵasaˊkᵘ Yūqǃakᴀˊnᴀx-ᴀt-ỵaduguˊq. Aīˊhaỵa qǃātǃ doaxāˊỵî ᴀt āˊwatsᴀq āˊya hāỵîˊ. Akᴀˊqǃ ᴀʟǃūˊtǃî āx ᴀqgwax̣ᴀˊc yukūˊcta. ᴀˊtcawe ye uduwasaˊ yuqǃāˊtǃ Wucdᴀˊx-aołîx̣īˊdia. Nᴀsǃg̣aducuˊ akāˊ qǃēˊwaxe yuqǃāˊtǃ yukūˊcta ʟǃūˊtǃî āˊwux̣ᴀcî. ᴀtxaweˊ kē uwaqoˊx. Yūāˊnqǃ de kē nag̣oˊxłag̣āsǃ. ʟēqǃ hᴀˊndît tāk qaacūˊnᴀx yē ỵikawaỵāˊtǃ ag̣aˊ qōdzîtīˊỵiỵa. Wūcduwag̣êˊg̣īn ỵawanuˊktc duyēˊkqǃê adêˊ łîtsīnîyēˊtcayu ỵāg̣ānaˊ.