An kułayᴀˊtǃ dîgīˊỵīga aˊya u ānqāˊwo. Dusīˊ qokǃīˊtǃ akucîtᴀˊn. Qokǃīˊtǃ ān ūˊat duīˊc guxqǃᵘ tîn. Akāˊyan kaoʟ̣îỵᴀˊsǃ yux̣ūˊtsǃ hāˊʟǃî yudāˊqqǃ qokǃīˊtǃê. Yē aỵaˊosîqa yūx̣ūˊtsǃ hāˊʟǃî, “Tsǃᴀs qaˊqǃosi ỵidêˊ hᴀs aʟīˊʟǃ toq qᴀkᵘ.” Ātxêˊqdê hᴀs aỵᴀˊ daāˊdawe ỵˊaołikǃūts dukᴀˊgu. Duīˊc guxqǃūˊtcawe ỵᴀsahēˊx akāˊdê dudjiỵîˊs. ʟᴀxdêˊ yāˊduīc nełixᴀˊn-qǃawe tsǃu ỵaˊolikǃūts. Tcǃuʟeˊ yē aỵaˊosîqa “Tcǃa waeˊtc dēˊ ỵᴀsahaˊ.” Akāˊdê tcǃa ʟēˊ nᴀˊxawe de ᴀt aˊna doxᴀˊnt ūˊwagut yuqāˊ wᴀsǃ-ya acakᴀˊnᴀłỵên. “Iqâcaˊ” ʟe yūˊᴀciaˊosîqa. Tcǃuʟeˊ ᴀcīˊn g̣oneˊ uwaᴀˊt. Dᴀq datcūˊn ᴀsiyuˊ dēx xao taỵinᴀˊx ᴀcīˊn ỵāˊwaᴀt. Xᴀtc cāˊayu xao yᴀx ᴀc tuwāˊỵatî.
Duītēˊx qoỵaˊodūˊwaci yucawᴀˊt yūˊantqenītc. Yên yuˊqodūciawa duiteˊqǃ yug̣āˊ wuduwatᴀˊn. Xᴀtc x̣ūtsǃ qoaˊnî ᴀsiyuˊ ᴀcūˊwaca yuaˊxkǃᴀnya-kaˊoʟ̣îgᴀdî yuānỵêˊdî. Xāt g̣ā naᴀdîˊ naᴀˊttc yux̣ūˊtsǃ qoaˊnîˊ. Yuxāˊt g̣a naᴀˊdî itīˊqǃawe hīn tākᵘcāgê yᴀdanēˊnutc. Hoˊ qoˊa tsǃᴀs x̣ūk ᴀʟīˊqǃanutc. Kē ag̣aᴀˊdînawe xāt āˊni dᴀx qākǃudᴀˊsǃ kāxkîˊnde duˊqêtcnutc. Kᴀdukîˊksînutc. Atūtxīˊnawe ʟe ex yêx ᴀt akug̣āˊntc yūˊcaq xōqǃᵘ. Doaỵēˊ qoˊa aweˊ tsǃᴀs kułkīˊstc yūˊx̣ūk yūˊcāwat. Akāˊqǃawe ʟēł unałᴀˊ wâsaˊ odusniyîˊ yuānyêˊtqǃᵘ.
Tsǃu ᴀnaāˊdawe tsǃu hᴀs wuāˊt g̣ᴀˊng̣a tcǃa yāˊdoqǃosî ỵêdêˊ aˊwe aositīˊn yucāˊwᴀttc sǃēq. Yūˊgutc kîtūˊnᴀx nacuˊ qᴀg̣ᴀˊqqocā-nᴀkǃ ᴀsiyuˊ ᴀcigāˊ wusuˊ. “Nēł gu tcxᴀnkǃ. ʟēł niyaˊ kucîgᴀnēˊx ᴀt iỵᴀˊdawe, xūtsǃ qoaˊni aweˊ īˊusinēˊx.” ᴀcīˊn qonāˊxdaq akaˊwanîk. Tcǃuʟeˊ ᴀcukāˊwadjᴀ. “Yūˊdo ỵīīˊc ānîˊ.” Ayᴀˊxawe tcǃu tsǃutāˊt xāt g̣a naadêˊ, g̣onayeˊ āˊdawe ᴀdakᴀˊdīnawe yūt wudjix̣īˊx̣. Yīˊgîỵî ke aāˊdawe duitēˊx qoyaˊoduwacî X̣ūtsǃ qoaˊnitc. Yāqǃ kē uwaʟǃᴀˊk duʟǃāˊke yucāˊwᴀt. De ʟēqǃ cā kᴀnᴀˊx ỵawucîx̣īˊawe qox awuʟ̣îgêˊn duîˊtdê. ʟē qag̣êˊt yᴀx g̣âˊawe yatîˊ duîˊt x̣ūtsǃ qoaˊnî. ᴀckāˊ yᴀx ỵāg̣āāˊdawe ciaỵidēˊkdag̣āˊx. ᴀkǃayaxêˊ dāk udjix̣īˊx̣. Yūˊa ʟen ᴀˊdî gīyīg̣ēˊt gwâyuˊ łix̣āˊc yūˊyākᵘ cᴀdakūˊqǃ ᴀcaˊ. “Hāˊnde hīnt icîˊx̣” yuaciaˊosîqa. ʟe akāˊde hīnt wudjix̣īˊx̣. Yāx wuduwaỵēˊq. Tcǃuʟeˊ ᴀcīˊn dekīˊt wudzîxᴀˊq g̣ᴀgāˊn tūt.
Łuqᴀnāˊ ᴀsiyuˊ hᴀs āˊwaca yūˊg̣ᴀgān ỵêˊtqǃî. Hᴀs ᴀˊg̣acān ʟēˊłsdjî hᴀs ułsāˊkᵘ. ʟē sadjᴀˊqx. Ỵīdᴀˊtî āˊỵî qoˊaawe ctūˊgas aˊodîca. Aˊya aq dᴀˊxawe hᴀs āˊwadjᴀq yūˊłūqᴀnaˊ. Tsǃūtsx̣ᴀˊn āˊnî kînāˊqǃ ayuˊ hᴀs āˊwadjᴀq. Tcǃaỵēˊguskî wucdᴀˊx awułîsūˊ. ᴀtcaweˊ łuqᴀnaˊ āˊcaỵᴀndihēn. Tsǃūˊtsx̣ᴀn āˊnî ʟe kǃawêˊłguha. Duīˊc āˊnî akînāˊ wug̣ax̣îˊx̣în yūˊg̣ᴀgān ye yên dosqêˊtc, “Hē duīˊc āˊnî.” Wānanīˊsawe ỵēt hᴀs āˊwa-ū. Hᴀsdutcukᴀˊtawe ỵiatᴀˊn hᴀsduīˊc yāˊgu x̣ūtsǃ yākᵘ. Qōˊwaᴀxtc yūˊyākᵘ. Āỵîˊs ᴀt kaˊołiga. Hᴀsduwūˊ xᴀˊndî dᴀnēˊt aỵîdeˊ ye wududzîˊnê. Hᴀsduīˊn g̣onayeˊ ūwaguˊt. Tcǃākᵘ yāˊnaguˊtîawe qox ᴀkūˊdadjītc. Xᴀtc uˊtiyāng̣ahēˊn, aweˊ wēˊyākᵘ dᴀnēˊt hᴀs akustǃēˊqǃᴀtc ayatǃᴀˊkqǃᵘ. Yūˊyākᵘ āeg̣ayāˊt hᴀs ūˊwaqox dūwuˊ. Awusikūˊ duīˊc hîˊtî. ʟe āeg̣ayāˊ dāq ūwaguˊt. Duīˊkǃtcawe nēłtǃāˊ uwaguˊt “ᴀxʟ̣āˊkǃ gānt ūwaguˊt.” Akāˊqǃawe dudjāˊq duʟāˊtc tcǃākᵘ qot wudzîgīˊtî duʟ̣āˊkǃᴀtc Wᴀq kaodᴀnigītc. Āˊyux wugūˊt duʟāˊ. Xᴀtc qǃēˊg̣a ᴀsiyuˊ dᴀˊqde hᴀs dułaˊt. Hᴀs qoˊa ʟēł hᴀs dutīˊn. Xᴀtc dēˊtcǃa ᴀˊsîyu yūˊᴀłdîˊs qǃos yêx kātuwāˊ(ỵ)ati. Dāq kᴀdudjēˊławe yūˊᴀtłaᴀt āˊyux āˊwagut. “ʟēł da ᴀt,” yūˊsiaodudziqa. Ducᴀˊt ye ỵawaqaˊ, “Detcǃaˊaaweˊ weᴀłdîˊs-qǃos ỵi yêx ỵatîˊ. Yē ỵana-isᴀqa a dāq ỵiᴀˊdî.” Ye ỵaˊodudzîqa. Dāq uwaᴀˊt. Tcǃuʟeˊ g̣ᴀgāˊn qǃōs wᴀˊsâ nēł kᴀx duguˊg̣un yūˊg̣ᴀgan qǃōs yūˊcāwᴀt tuwᴀˊnqǃ hᴀsduỵīˊt kǃᴀtskǃᵘ tsǃu qǃwᴀseỵêˊ ᴀłtsǃuˊ g̣ᴀgāˊn qǃōs yêx ỵatîˊ. Tcǃuʟeˊ nēłqǃ yên hᴀs qēˊawe tsa wᴀˊsa ᴀtūˊnᴀx kês yêˊnᴀx has ỵî yᴀˊxawe ỵasiateˊ yuqog̣āˊsǃ. “ᴀtg̣ᴀxāˊ dê ᴀxsīˊkǃᵘ” yūˊỵawaqa yuānqāˊwo. ʟᴀx ckᴀstāˊx̣wâ aweˊ wudjîx̣īˊx̣ hᴀsduqǃoeˊs hīˊng̣a. Ax ke āˊwatᴀn kîdjūˊk qîˊnaỵî. ᴀqadêˊ awatsāˊq. Yū yên kāˊwatᴀn xēʟǃ qāx ʟēł ckaˊ wuckuˊk yuqāˊ. Cunāỵêˊt yên da yēˊg̣awetsa, duīˊkǃ kǃᴀtskǃᵘ kāˊwaqa. Tcǃuʟēˊxdê hīn hᴀˊsduqǃoēˊdê āˊwayᴀ hᴀˊsduīkǃ kǃᴀˊtskǃᵘ. Qot g̣agūˊdawe duīˊkǃ hīn g̣ā aˊwatan qǃīcaˊ duxoˊxqǃᵘ wᴀˊnqǃes. Dᴀˊxda hīˊng̣a gūˊdawe ᴀcdjīˊn awuˊłîcāt qā hīn qǃēqǃ. Tcǃuʟeˊ nēł awîˊsīneˊawe duxoˊxqǃᵘ awᴀˊn xᴀˊnqǃ aqadēˊ uduwatsāˊk kîdjūˊk qǃîˊnaỵî. Tcǃuyūˊ dudjīˊn wudułcādî aweˊ ʟa yūˊyênkāˊwatᴀn xēʟǃqāx. ʟē awēˊ wudînaˊq duxoˊxqǃᵘ wᴀˊng̣ᴀˊndî dunᴀˊq. Tsǃuhēˊtǃaawe ag̣acᴀˊttc, ʟe atūˊnᴀx wudjᴀˊłtc. Tcǃuʟeˊ ʟēł hᴀs wudustīˊn. Hᴀˊsduyāˊgu qoˊa aweˊ ā kᴀt wudjix̣īˊx̣.
Hᴀsdūỵīˊdî qoˊa aweˊ yēˊᴀt hᴀs aodîcîˊ qahāˊsǃtc ỵāqgadjāˊq. ᴀtcaweˊ duīˊc nᴀg̣anāˊn ᴀtkǃᴀˊtskǃᵘ qǃᴀnᴀskîdēˊtc wudjāˊqtc. ʟax wâˊyu kᴀcūˊsawedê duyêˊtkǃᵘ, duʟāˊ tîn gāˊnîyᴀx kaˊoduʟ̣î-uˊ. Ān tcukᴀˊqǃawe tcāc hît akaˊ aołîyᴀˊx. Duyêˊtkǃᵒ ᴀˊqǃ ān yē wutîˊ. ᴀˊcutcnutc duyêˊtkǃᵒ yūˊtcāc hît ỵîk. Desgwᴀˊtc ʟǃagāˊyan nᴀłgēˊn. Qaqǃaitēˊawe dukadêˊq dog̣êˊtcnutc. “Yāˊtǃayauwaqāˊ,” yuaweˊ daỵadoqāˊnutc. Uˊx udułcuˊqnutc. Wānanīˊsawe yux wudjix̣īˊx̣ yuᴀtkǃᴀˊtskǃᵒ ᴀckułỵêˊtîxōqǃ. “Tca-īˊ Qǃaīˊtî-cūyeˊ-qā” ʟa yūˊduwasa. Duʟāˊ ye aỵaˊosîqa, “Sᴀks ᴀˊxdjîỵîs łayᴀˊx.” aʟeˊ ye anᴀsnīˊawe tcǃūˊya akᴀˊndagᴀnêaweˊ ānaguˊttc atǃoˊktǃ. Łdakᴀˊt ᴀˊdawe atǃoˊktǃînutc. Qāx ỵaqsatīˊyawe desgwaˊtc yūˊākǃ aỵahêˊtaqguttc.
Qǃūˊna āˊdaq gūˊtsawe ᴀcỵîs ỵînᴀx ke qǃēˊwax̣ix̣. Qǃānᴀˊx łatîˊ ᴀłeqǃāˊ. Dᴀxdanīˊn ye ᴀc nᴀsnīˊ duʟāˊ qǃēˊwawūsǃ, “Dāˊsayu aʟeˊ?” Tcuʟeˊ yên aˊosînî ỵīs ʟāk. “Dekīˊ qǃwᴀn dāq īcīˊq îyᴀˊx qǃaowutǃāˊxe x̣ākᵘ qâˊdjî gᴀˊłaat. Iīˊc yāguˊ aweˊ. aqǃ āyᴀˊx dugudēˊawe ᴀcyᴀˊx qǃēˊwatǃāx. “Dułēqǃᴀˊ tcᴀ tǃuˊk.” Tcǃuʟeˊ awutǃūˊguawe ye uduwaᴀˊx “G̣ā” yēł yᴀˊx. Ayêˊx caỵaˊoʟ̣ix̣ac yeyᴀˊx aweˊ wūneˊ ayêxakǃāˊwu. Xᴀtc ēq yāˊgu ayuˊ yēkᵘdīwuqǃ ayᴀxakǃāwˊo. Xᴀtc tcǃᴀs ʟe yēˊtî ēˊqayu, ʟe kāˊwawᴀʟǃ yūˊyākᵘ łdakᴀˊt ā. Tāt ỵinᴀˊx aweˊ āˊwaya duhîˊtî dê duʟāˊ xᴀˊndî. ʟēł Łīngîˊttc wuskoˊ.
Tcǃuʟeˊ āˊʟen hîˊtxawe ỵāˊnᴀłyᴀx yuīˊq. Yutcāˊctaỵīqǃ adeˊawe āˊtǃᴀqǃanutc ʟāq sᴀkᵘ kīs sᴀkᵘ. ʟēł g̣ayēˊsǃ qōstīˊỵīn qaˊtcu ēq yᴀx ỵatīˊỵī ᴀt. Tînnaˊ yax tsǃu atǃēˊqǃ. ʟe nēł ỵīˊya ᴀcᴀˊkᴀnadjᴀł. Tcǃuʟeˊ dokᴀˊt ku-doxēˊtc qǃaīteˊ. “Yāˊdatǃᴀˊqǃ-anqāˊwo.” Yên asnīˊ wehîˊt qa yuˊtînna de cāˊỵadîhēn yūˊnîłqǃ adeˊ ᴀtǃaqǃᴀˊt. Tcǃayeˊ uˊxanᴀx dułcuˊg̣taweˊ, kǃêsāˊnî xō yux nacîˊqtc. “Tca-īˊ qǃa-iteˊ-cūˊye-qā.” Yūˊansǃatîˊ-si ʟēł dudjîdeˊ yēˊqasadoˊha. Łdakᴀˊt yētx ducāˊqǃaweˊ tcǃuʟeˊ aỵîˊs yēn ūˊwani. Hūtc qoˊa tāˊdawe ctāˊde yēˊdjîwudîne. Eq kᴀtîˊqǃ aosîteˊ. Ātēˊxya aosîkuˊ yuānỵēˊdê. Tǃaqǃāˊnᴀxawe ᴀtc yu-ᴀqłîˊtsᴀqk yucāˊwᴀt yuēˊq-kᴀtîˊqǃtc. Yucawāˊttc aołicāˊt. Aodzînîˊqǃ. ʟēł ag̣aˊ wus-ha yuēˊq. ʟēł łīngîˊt-ānēˊqǃ ax dustîˊndjîayuˊ ēq. Tcǃuʟeˊ āˊwaxox, “Hāgu gāˊnqǃa.” Xᴀˊni yux wugūˊt. “ᴀxhîˊtîỵīdêˊ xāˊnaᴀde. Axᴀniỵeˊ îq-gwâteˊ” yūˊaỵaosîqa. Gudᴀxqāˊx sayuˊ ūˊwadjî ʟēł yeˊawusku. Yūˊduīqonīˊk qāx sateỵîˊ, tsǃᴀs yuîˊqtê ayuˊ ᴀcīˊn ỵāˊnaᴀt. Tcǃa dudjîˊ cukᴀdaweˊ nēł cūˊdjîxîn, yuēˊq qǃaxāˊt duyêˊt kaodîgᴀˊnaỵîˊ. Tcǃuʟeˊ gutxᴀˊtsayu ʟe nēłỵīˊ caỵaqāˊwadjᴀł yūˊtînna. Tcǃuʟeˊ āˊwaca duhîˊtîqǃ.
Du-īg̣āˊ qodicīˊ yūˊcawᴀt. Wudūˊdziha kǃūˊnỵagīỵî. Kᴀnaxsaˊ dēx oxeˊ ᴀg̣aˊ ug̣aˊqoduciỵaˊ. Wānanīˊsawe duīˊc gux, yeˊ aỵaˊosîqa, “Kǃē g̣ênaˊt qeˊcî.” ᴀt kūˊwacî yūˊgux doxᴀˊnt. Tcǃuʟeˊ āˊnēł ỵawusaỵeˊawe yūˊgux g̣āˊnî qoˊxodjîqᴀq. Duỵêˊt kaˊodigᴀn. Yuhîˊt ỵīˊdᴀx, “Nēł guˊ” yūˊaỵaosîqa yūˊcāwᴀt xoxtc. “Łîł kīnigīˊq ya axhîˊtî” ʟe yūˊaỵaosîqa. Yē qoˊa yên aỵaˊosîqa, “Qǃa-īˊtîcuye-qātc uwacaˊ” yuqǃwᴀˊnskāniłnîk. Lᴀ nēł wugudīˊawe akaˊwanêk. “Qǃa-īˊîcuye-qātc uwacaˊ” yūˊckᴀłnīk. Tcǃuʟeˊ aweˊ yūx hᴀs djuˊdeᴀt. “ᴀxsīˊkǃ” yūˊqǃoyaqa duʟaˊ. Tcǃuʟeˊ aqǃaˊwułt hᴀs łūˊwaguq. Yūˊtcac-hît g̣etłaˊa hît nēł ᴀcukaˊołîtsᴀx. “Dᴀm” yūˊyudowaᴀx. Duyêˊtayu kaodigᴀˊn. Yuhîˊtỵīanᴀˊq gāˊnīqox hᴀs wuˊdiqêʟǃ. Gūsūˊ aỵîˊs kǃānt wunūˊgu. Tcǃuʟeˊ kāwadīˊqǃ. Nēłdêˊ hᴀs naāˊdawe ag̣āˊ qoqāˊawaqa duwuˊ. Doxᴀˊnt hᴀs āˊdawe nᴀsǃgaducuˊ tînnaˊ ᴀcnāˊỵe aosîˊne ᴀsīˊ awucāˊỵetc. ʟe adadᴀˊxdê caoduʟ̣îg̣êˊtc yutcāˊc-hît ỵīỵî. Yut kaˊodigᴀn yūˊēq. Qoˊa duīˊc aweˊ ye ᴀcīˊt taˊoditᴀn duīg̣āˊ ᴀt nᴀg̣asūˊt. ᴀtcaweˊ ỵiỵidᴀˊde qawu tsǃu qǃanᴀckîdēˊx nᴀˊxsᴀtīn yug̣āˊayu ᴀt yᴀsēˊk. ᴀtcaweˊ hēˊnᴀxa ēq āˊqǃaołitsīn. ᴀqǃ ye ᴀt wuniỵīˊtc. Tcǃuyaˊ ỵîdᴀt xᴀˊng̣āt tsǃu dēx gux ckᴀˊteᴀtsinen tînnaˊ. Tcᴀ ʟᴀˊkᵘ qoˊdzîtīˊỵī-ᴀtx sîtîˊ ᴀqǃ.