عشاق اشکِ چشم سے دھوویں ہزار داغدیتا ہے اور، جوں گل و شبنم، بہار داغ
جوں چشمِ، باز ماندہ ہے ہر یک بہ سوئے دلرکھتا ہے داغِ تازہ کا یاں انتظار، داغ
بے لالہ عارضاں مجھے گل گشتِ باغ میںدیتی ہے، گرمیٔ گل و بلبل، ہزار داغ
جوں اعتماد نامہ و خط کا ہو مہر سےیوں عاشقوں میں ہے سببِ اعتبار، داغ
ہوتے ہیں محو جلوۂ خور سے، ستارگاںدیکھ اُس کو دل سے مٹ گئے بے اختیار داغ
وقتِ خیالِ جلوۂ حسنِ بتاں اسدؔدکھلائے ہے مجھے دو جہاں لالہ زار داغ
بلبلوں کو دور سے کرتا ہے منعِ بارِ باغہے زبانِ پاسباں خارِ سرِ دیوارِ باغ
کون آیا جو چمن بے تاب استقبال ہے؟جنبشِ موجِ صبا، ہے شوخیٔ رفتارِ باغ
میں ہمہ حیرت، جنوں بے تابِ دورانِ خمارمردمِ چشمِ تماشا، نقطۂ پرکارِ باغ
آتشِ رنگِ رخِ ہر گل کو بخشے ہے فروغہے دمِ سردِ صبا سے، گرمیٔ بازارِ باغ
کون گل سے ضعف و خاموشیٔ بلبل کہہ سکے؟نے زبانِ غنچہ، گویا نے زبانِ خارِ باغ
جوشِ گل، کرتا ہے استقبالِ تحریرِ اسدؔزیرِ مشقِ شعر، ہے نقش از پئے احضارِ باغ